A Sección de Pensarmos do Consello da Cultura Galega (CCG) retoma mañá, 26 de xaneiro (18:00 horas), o ciclo Pensarmos. Nesta ocasión, o convidado é o profesor de Dereito Constitucional da Universidad de Sevilla Joaquín Urías, quen reflexionará sobre a calidade democrática da sociedade actual. A súa intervención desenvolverase en formato dialogado coa coordinadora da Sección, Celia Pereira Porto. A sesión é presencial, pero poderá seguirse en directo a través do sitio web e das redes sociais da institución.
25/01/2023
29/09/2022
O pensamento de filósofas destacadas como Hannah Arendt ou Simone de Beauvoir serve de punto de partida para as mesas de debate do II Festival de Filosofía de Galicia. Un encontro organizado polo Consello da Cultura Galega (CCG) que arrinca mañá en Compostela cun programa que está pensado para dar a coñecer as mulleres destacadas da Historia do Pensamento e da Filosofía que permanecen invisibilizadas. Ata o domingo, entre diferentes localizacións de Santiago e de Ourense, haberá conferencias e espectáculos para convidar ao público a pensar e a facelo cun punto de vista distendido.
20/09/2022
A filósofa do dereito Maggy Barrère (Donostia, 1957) participa mañá, mércores 21 ás 18:00 horas, no ciclo de reflexión Pensarmos cunha conferencia titulada Dereitos e discriminación na “nova normalidade”: unha mirada iusfeminista. A súa intervención desenvolverase en formato dialogado co maxistrado Xermán Varela. A iniciativa, coordinada por Celia Pereira Porto, enmárcase dentro das actividades da Sección de Pensamento do Consello da Cultura Galega (CCG). A sesión é presencial, pero poderá seguirse en directo a través do sitio web e das redes sociais da institución.
13/09/2022
A banalidade do mal, frase acuñada pola filosofa Hannah Arendt, abre en Compostela o programa da segunda edición do Festival de Filosofía de Galicia. Un encontro organizado polo Consello da Cultura Galega (CCG) que mestura conferencias e espectáculos para convidar ao público a pensar e a facelo cun punto de vista distendido. A presidenta do CCG, Rosario Álvarez, xunto coa directora do encontro, Carme Adán, explicaron en rolda de prensa o programa, que este ano está dedicado ás filosofas. A cita desenvólvese en Compostela e como novidade, ábrese á cidade de Ourense onde están programados varios espectáculos.
19/06/2022
Ao fío do 28 de xuño, Día Internacional do Orgullo. LGTBI, a Sección de Pensamento do Consello da Cultura Galega propón anualmente unha xornada debate. Nesta ocasión, a cita desenvolverase este luns 20 baixo o título “Pensar con Orgullo III. Corpos en rebeldía: aproximacións interdisciplinarias”. Unha sesión de reflexión que sirva para tender pontes na sempre complexa relación entre o corpo, a sexualidade, o desexo e o sexo/xénero, desde unha proposta interdisciplinaria. A presidenta do CCG, Rosario Álvarez e a coordinadora da Sección de Pensamento, Carme Adán, serán as encargadas de inaugurar esta cita presencial que tamén se poderá seguir en directo a través da web e das redes sociais da institución.
13/06/2022
Sen cancelas. Memorias do arco da vella en Galicia é o título do proxecto expositivo que poñen en marcha o Consello da Cultura Galega (CCG) e a Consellería de Promoción do Emprego e Igualdade. A mostra ten un carácter didáctico e divulgativo e fai un percorrido histórico e conceptual sobre a diversidade sexual en Galicia. A presidenta do CCG, Rosario Álvarez, e a conselleira, María Jesús Lorenzana, inauguraron esta mañá no claustro do Instituto Rosalía de Castro en Santiago de Compostela este proxecto pensado principalmente para a mocidade que itinerará polos centros educativos do país. Carme Adán é a coordinadora do comité asesor que deseñou os contidos e que ten como comisarios a Daniela Ferrández e Enrique Latorre. A exposición tamén se pode consultar na rede desde o web do CCG.
18/05/2022
O ciclo de reflexión Pensarmos, que organiza mensualmente a Sección de Pensamento do Consello da Cultura Galega (CCG) que coordina Carme Adán, ten este xoves 19 de maio (18:00horas) unha nova cita. Desta volta co filósofo e profesor Javier Vilanova, que falará da filosofía de sentido común. Estará con el na mesa a tamén profesora, Nieves Herrero. A sesión é presencial, pode seguirse en directo a través do web e das redes sociais da institución.
08/11/2021
A vida de Simone Weil (París, 1909 – Ashford, 1943) foi breve e moi intensa. Foi unha filósofa que predicou co exemplo e deixou o seu posto de profesora universitaria para traballar como obreira nunha fábrica en condicións infrahumanas. A sección de Pensamento do Consello da Cultura Galega (CCG) pon os ollos no seu exemplo para analizar o contexto actual na xornada titulada “As raíces do pensamento de Simone Weil”. A presidenta do CCG, Rosario Álvarez; a coordinadora da sección, Carme Adán; mais a da xornada, Celia Pereira, inauguran este martes a cita presencial que se pode seguir en directo desde o web e as redes sociais da institución.
21/02/2020
"É posible dar sentido ás máquinas? Cara a un humanismo tecnolóxico" é o título co que José María Lassalle (Santander, 1966) participará o vindeiro xoves 27 (18:00 horas) no ciclo “Pensamos” do Consello da Cultura Galega. A súa intervención contará co retruque do analista especializado en tecnoloxía política Suso Baleato. A inscrición está aberta e pódese facer a través do web da institución.
21/02/2020
"É posible dar sentido ás máquinas? Cara a un humanismo tecnolóxico" é o título co que José María Lassalle (Santander, 1966) participará o vindeiro xoves 27 (18:00 horas) no ciclo “Pensamos” do Consello da Cultura Galega. A súa intervención contará co retruque do analista especializado en tecnoloxía política Suso Baleato. A inscrición está aberta e pódese facer a través do web da institución.