Montserrat Capelán Fernández

Doutora en Musicoloxía pola Universidade de Santiago de Compostela. Licenciada en Ciencias e Historia da Música pola Universitat Autònoma de Barcelona e en Filosofía pola Universidad Central de Venezuela. Posúe o Diploma de Estudos Avanzados (DEA) en Música na España Contemporánea e outro DEA en Filosofía pola Universidade de Santiago de Compostela. Realizou diferentes estancias de investigación en Caracas (Fundación Vicente Emilio Sojo, CEDIAM, Academia Nacional de la Historia) e en Sevilla (Archivo General de Indias). Para o doutoramento contou cunha bolsa da Fundación Barrié e unha axuda de Formación do Profesorado Universitario (FPU) durante catro anos. Desde o ano 2010 impartiu docencia na Universidade de Santiago de Compostela. Foi gañadora do VIII Premio Nacional do Libro de Venezuela (2012-2013), mención arte. Ademais, é autora de dous libros (un como coautora e outro como editora), e divulgou artigos en publicacións nacionais e internacionais, así como asistido a numerosos congresos das áreas de historia e de historia da arte.