Carlos García Vieito

Graduado en Ciencias Políticas e da Administración pola Universidade de Santiago de Compostela, especializouse en Comunicación e Marketing Dixital pola Universitat Autònoma de Barcelona. Durante a súa etapa estudantil, foi o responsable de campus dos Comités Abertos de Facultade e membro da Xunta de Facultade de Ciencias Políticas. En Barcelona traballou en diferentes axencias de comunicación elaborando estratexias e campañas para grandes marcas. Ao mesmo tempo, desenvolveu unha gran actividade cultural na cidade condal, participando en diferentes movementos sociais da sociedade catalá, así como creando a primeira aula aberta a todos os públicos para aprender galego en Barcelona.