Sabela García Fonte

Licenciada en Historia da Arte (na especialidade de Historia da Música) pola Universidade de Santiago e en Música Antiga (na especialidade de Violín Barroco) na Escola Superior de Música e Artes Escénicas de Porto. Completa a súa formación académica realizando un mestrado en Xestión Cultural na Universitat Oberta de Catalunya. A súa carreira na xestión musical levouna a traballar na Orquestra Barroca de Sevilla e, recentemente, como coordinadora na Asociación Española de Festivais de Música Clásica —'FestClásica'; e prestando servizos de produción e distribución aos grupos 'Accademia del Piacere', 'Gli Incogniti' e ao director de escena Rafael R. Villalobos. Obtivo o título profesional de Violín Moderno no Conservatorio Superior de Música da Coruña e formouse en Violín Barroco no Real Conservatorio de Música de Madrid. Foi profesora asistente de violín barroco na Escola Superior de Música e Artes Escénicas de Porto e profesora na Xove Orquestra Barroca de Andalucía.