Xornada - Cen anos soñando o destino. Sábado, 19 de febreiro de 2022
Xornada

Cen anos soñando o destino

  1. Inicio
  2. Eventos
  3. Xornada

Xornada

Cen anos soñando o destino

IV Asemblea Nacionalista de Monforte das Irmandades da Fala

Sábado, 19 de febreiro de 2022
Monforte de Lemos
Xornada

Cen anos soñando o destino

IV Asemblea Nacionalista de Monforte das Irmandades da Fala

Sábado, 19 de febreiro de 2022 Monforte de Lemos
Entre o 18 e o 20 de febreiro do ano 1922 tivo lugar en Monforte de Lemos a IV Asemblea Nazonalista das Irmandades da Fala. Na orde do día, seguramente neboento, mentres os bois araban tras a Candeloria, o incipiente nacionalismo galego dispúñase a debater sobre a organización definitiva das Irmandades, o plan de propaganda nacionalista e os estudos que realizar desde as fileiras dos Amigos da Fala.

Nos chanzos do mosteiro de San Vicente, hoxe Parador Nacional, e a carón do pazo dos Condes de Lemos, os asistentes á Asemblea realizaron un retrato de grupo no que podemos ver, entre outros, a Castelao, Ramón Otero Pedrayo, Ánxel Casal ou Manuel Antonio.

Ao fondo do val asubiaba o tren e chegaba ao curuto do antigo castro o bulicio dos traballadores daquela estación que era o gran nó ferroviario de Galicia. Tras daquel tren non viñan abades nin cregos, senón a luz e o progreso. Ficaron quedos un intre ante o aparello do fotógrafo e na placa de xelatina de bromuro de prata podía percibirse á perfección o soño común do destino libre para a terra que se albiscaba desde aquel outeiro.

Mais a xuntanza nas terras do Cabe evidenciaría as tensións internas no seo das Irmandades, que finalmente acabarían na escisión entre a tendencia liberal-progresista —liderada pola Irmandade d’A Coruña— e a máis conservadora, a cuxa fronte se achaba o grupo ourensán liderado por Vicente Risco e que levaría á creación da Irmandade Nazonalista Galega. A histórica Asemblea de Monforte marcaría, pois, un fito na historia do galeguismo e sería decisiva no decorrer deste naqueles anos de preguerra, onde aínda todo era posible, mesmo a utopía.

A xornada que se vai celebrar o día 19 de febreiro deste 2022 en Monforte de Lemos constitúe unha nova xuntanza de homenaxe e de estudo, na cal diversos historiadores se ocuparán da análise do movemento das Irmandades e en especial do acontecido na IV Asemblea, así como da centralidade proletaria do lugar de Lemos naquela Galicia de comezos de século. Unha xornada tamén festiva, aberta a toda a veciñanza e con participación da mocidade monfortina.

Porque é preciso poñer os pés nos chanzos de hai cen anos para seguir soñando.
Programa
Cen anos soñando o destino
Programa en PDF
Prensa
18-02-2022

Unha xornada analiza a relevancia da Asemblea de Monforte no seu centenario

Ficha técnica 
Xornada
Cen anos soñando o destino
IV Asemblea Nacionalista de Monforte das Irmandades da Fala
Cando
Sábado, 19 de febreiro de 2022
Onde
Monforte de Lemos
Lugar

Casa da Cultura Poeta Lois Pereiro
Praza de España, 3
27400, Monforte de Lemos (Lugo)
Teléfono: 982 404 404

Coordinación
Patricia Arias Chachero
Olga Novo Presa
Xosé Rodríguez Díaz
Participante
Xurxo Ayán Vila
Iris Branco
Emilio Xosé Insua López
Eduardo López Pereira
Aurora Marco
Oscar Penín
Celia Pereira Porto
Xosé Ramón Quintana Garrido
Sergio Tannus
Uxía Tannus
Organiza
Consello da Cultura Galega
Consello da Cultura Galega
Fundación Otero Pedrayo
Fundación Otero Pedrayo
Fundación Vicente Risco
Fundación Vicente Risco
Colabora
Concello de Monforte de Lemos
Concello de Monforte de Lemos
Deputación de Lugo. Vicepresidencia de Cultura
Deputación de Lugo. Vicepresidencia de Cultura
Rurallure
Rurallure