Presentación da xornada María Josefa Wonenburger Planells na creación de coñecemento
O Presidente do Consello da Cultura Galega Ramón Villares e a Coordinadora da Comisión de Igualdade desta institución María Xosé Agra, presentan a xornada
RELATORIO INAUGURAL: Matemáticas para a vida, unha vida para as matemáticas. María Josefa Wonenburger
Francisco Díaz-Fierros, Vicepresidente do CCG, presenta a Ana Dorotea Tarrío Tobar, Vicerreitora da UDC. Esta, no relatorio inaugural da xornada fai unha aproximación a vida e obra de María Josefa Wonenburger Planells. Na súa intervención apoiase na Cartografía da Sra. Wonenburger situado no Álbum de mulleres e do que é coautora
Consulta a cartografía de María Josefa Wonenburger no Álbum de mulleres
Sesión científica I: As matemáticas da auga e o lume
José María Barja Pérez presenta a Elena Vázquez Cendón, profesora do Departamento de Matemática Aplicada da USC. Ela achéganos proxectos e materiais relacionados co empregue das matemáticas en estudios da auga e do lume en Galicia
Sesión científica II: Matemáticas no ensino das matemáticas
José María Barja Pérez presenta a Matilde Ríos Fachal, profesora do CIP Bergondo (A Coruña) que fai un percorrido histórico da relación mulleres e matemáticas no ensino
Sesión científica III: Eu tamén son noetheriana
José María Barja Pérez presenta a intervención de Ana Belén Rodríguez Raposo, profesora do Departamento de computación da UDC. Esta no seu relatorio fai unha achega a matemática Emmy Noether, máis en concreto ao problema que leva o seu nome e o seu lugar nas investigacións máis actuais
Sesión científica IV: As estatísticas
José María Barja Pérez presenta a intervención de Rosa María Crujeiras Casais, profesora do Departamento de Estatística e Investigación Operativa da USC. Esta no seu relatorio achega reflexións sobre as técnicas da Estatística, os resultados destas e, asemade, o labor das investigadoras desta disciplina matemática
Sesión de memoria. Valorando o tempo gañado. María Josefa Wonenburger, creadora de escola. I
Coñece a montaxe de video sobre María Josefa Wonenburger presentada nesta xornada. Trátase dunha montaxe fotográfica sobre a entrevista que lle realizaron no programa da Radio Galega Efervescencia (16-9-2007) elaborado por Xabier Ramos Vieiro
Sesión de memoria. Valorando o tempo gañado. María Josefa Wonenburger, creadora de escola. II
Ana Romaní Blanco, membro da Comisión de Igualdade do CCG, conversa con Xabier Pita Wonenburger, familiar da protagonista da xornada, na procura de abrir novas canles de aproximación á figura de María Josefa Wonenburger Planells como creadora de escola
Sesión de reflexión e debate. Retos para as novas tecedoras de coñecemento
Marilar Aleixandre Giménez, membro da Sección de Ciencia, Técnica e Sociedade do CCG, presenta a Inmaculada Paz Andrade, primeira catedrática de física da USC, e, a Tarsy Carballas Fernández, investigadora do Instituto de Investigacións Agrobiolóxicas de Galicia. CSIC. Moven a reflexión en torno ao camiño andado polas mulleres no campo das ciencias e do que aínda queda por atinxir
Clausura da xornada María Josefa Wonenburger Planells na creación de coñecemento
As coordinadoras Carme Adán Villamarín e Carme Vidal Lage, a modo de peche, fan un breve resumo do acontecido na xornada
