epístola

Material

Carta de Fernández del Riego a Seoane. 1976

Detalle

FRANCISCO FERNÁNDEZ DEL RIEGO/ABOGADO/DR. CADAVAL, 32/TELÉFONO 213770/VIGO
2-febreiro-1976
Sr. D. Luís Seoane
Buenos Aires

Meu querido amigo:
Son moitos os motivos de agradecimento que che debo por tantas cousas. Pero os producidos nos derradeiros días da tua estada en Galicia estiveron determinados, ademais, por unha fonda emoción. Non necesito decirche o que representaron pra min as tuas delicadas i espresivas probas de amistade. Tamén as breves palabras que me escribiche dende Buenos Aires, e que valoro en canto significan.
Onte chegoume, adicada, a carpeta de grabados Insectario. Trátase dunha verdadeira fermosura. Entre tantos e tantos espoñentes creadores como levas feito, penso que éste é un dos máis felices e orixináis. Agradézoche de corazón tan fino agasallo.
Moi garimosos saúdos a Maruxa, de Evelina pra os dous, e pra tí a forte aperta de sempre
Fdez del Riego

Metadatos

• Destinatario/a:
  Luís Seoane
• Mencionado/a:
  Evelina Hervella Maruxa Seoane
• Remitente:
  Francisco Fernández del Riego
• Data: 02/02/1976
• Tipo de material: epístola
• Medidas:
• Epistolario: Fondo: Luís Seoane depositado na Fundación Luís Seoane. ;
• Etiquetas:
  artesartes visuais
• Ficha descriptiva:
  [Carta mecanografada con firma autógrafa e o membrete:]
• Localizacións:
  destino: Bos Aires; orixe: Nova York; orixe: Doutor Cadaval, 32, 4º;