epístola

Material

Carta de Piñeiro a Seoane. 1972

Detalle

Compostela, 21-II-72

Querido Luis:

Hoxe póñoche dúas liñas apresuradas para informarte de unha boa noticia: xa temos catedrático titular de Lingüística e Literatura Galega na Universidade de Compostela. Na semana pasada celebráronse en Madrid as oposicións, que Ricardo Carballo Calero ganou brillantemente. Eu asistín aos exercicios –e moitos amigos– e resultaba emocionante. Tres dos exercicios foron en galego. O tribunal estaba formado por Moralejo, Moreno Báez, Zamora Vicente, Alarcos e Filgueira como presidente (por renuncia de Dámaso Alonso).
Saúdos garimosos a Maruxa e de Isabel para os dous. Unha forte e cordial aperta do teu amigo

Ramón


Como o Carballo é amigo teu, por si lle queres escribir, mándoche o enderezo:
Carrera del Conde 4, 1º
Santiago de Compostela

Metadatos

• Destinatario/a:
  Luís Seoane
• Mencionado/a:
  Emilio Alarcos Dámaso Alonso Ricardo Carballo Calero Xosé Filgueira Valverde Isabel López García Abelardo Moralejo Enrique Moreno Maruxa Seoane Alonso Zamora Vicente
• Remitente:
  Ramón Piñeiro
• Data: 21/02/1972
• Tipo de material: epístola
• Medidas:
• Epistolario: Fondo: Luís Seoane depositado na Fundación Luís Seoane. ;
• Etiquetas:
  artesliteratura
• Ficha descriptiva:
  [Carta manuscrita]
• Localización física:
  Fundación Luis Seoane
• Entidades:
  Mención:Universidade de Santiago de Compostela
  
• Localizacións:
  orixe: Santiago de Compostela; destino: Bos Aires;