Material
Historias de ida e volta
O exilio galego
Retrato de Maruxa Mallo, ca. 1925
Detalle
Esta pintora, "musa do surrealismo", foi unha das moitas galegas que tiveron que exiliarse tras a Guerra Civil. Na República xa era unha recoñecida pintora, amiga de destacados intelectuais da época como Rafel Alberti, María Zambrano, Bergamín, García Lorca, Buñuel, Dalí... e xa realizara numerosas exposicións de éxito, coas que ía tendo un nome nos círculos artísticos da capital.A guerra sorprendeuna en Galicia e tivo que refuxiarse na casa de seus tíos en Viveiro. Conseguiu fuxir a Portugal, onde foi auxiliada por Gabriela Mistral, embaixadora de Chile en Lisboa, que a axudou a preparar a viaxe a Bos Aires. Alí tivo unha intensa actividade como pintora e conferenciante, e chegou a ter moita sona.