Ciclo - Territorio, patrimonio e identidade. Xoves, 19 de outubro de 2023
Foro Pensar o mundo dende Galicia

Territorio, patrimonio e identidade

  1. Inicio
  2. Foro Pensar o mundo dende Galicia
  3. Ciclo

Foro Pensar o mundo dende Galicia

Territorio, patrimonio e identidade

Xoves, 19 de outubro de 2023
Santiago de Compostela
Ciclo
Foro Pensar o mundo dende Galicia

Territorio, patrimonio e identidade

Xoves, 19 de outubro de 2023 Santiago de Compostela
Dende 1983 ata hoxe o Consello da Cultura Galega leva corenta anos promovendo o debate, a pescuda e a creación arredor de diversos eidos do saber, mais tamén sobre cuestións que atinxen aos problemas e inquedanzas da sociedade galega no pasado, no presente e no futuro. Froito diso foi un amplo elenco de congresos, debates, xornadas, publicacións e informes. Recollendo o legado do feito na súa historia, mais con proxección cara ao futuro, o Consello da Cultura Galega propón un foro de reflexión arredor de cuestións candentes no mundo actual, estruturado en oito xornadas con periodicidade mensual (de marzo a novembro de 2023) nas que se abordarán temáticas moi presentes nas actividades da institución, como a posverdade na información, a economía da cultura, os desafíos para o humanismo das novas tecnoloxías, a calidade da democracia, os retos presentes e futuros do feminismo, o papel do galego nunha sociedade multicultural, a sustentabilidade da economía global e o papel do patrimonio e da paisaxe. Máis de corenta personalidades do mundo cultural, científico e académico galego, ibérico e mundial daranse cita en Santiago de Compostela para reflexionar, debater e profundar na interpretación dos desafíos desta terceira década do século XXI, con vontade interdisciplinaria e dialogante. Dende Galicia, recollendo a tradición iniciada hai máis dun século pola Xeración Nós e polo Seminario de Estudos Galegos, aspiramos a repensar o mundo e a sermos unha célula de universalidade.

Territorio, patrimonio e identidade
O territorio, o patrimonio e a identidade son tres realidades que se fusionan na conformación cultural galega, cuxa conceptualización se vén complexizando nos últimos anos, motivada polo papel capital que o concepto holístico de paisaxe cobrou nas políticas patrimoniais. No territorio transcorren as relacións entre as sociedades, polo que é un documento produto delas. Un concepto oteriano que nos achega á complexidade paisaxística que fai realidade espacialmente a sociedade moderna líquida de Bauman. Mentres o patrimonio é pegada e memoria seleccionada, é tamén acervo conformado por procesos socioculturais de constitución da memoria, da identidade e da herdanza cultural. Nesta xornada afondaremos nestas tres realidades dende unha ollada interdisciplinaria, transversal e plural.
Programa
Territorio, patrimonio e identidade
Programa en PDF
Prensa
19-10-2023

Especialistas instan a repensar o modelo de xestión do territorio no foro Pensar o mundo dende Galicia

18-10-2023

O foro Pensar o mundo dende Galicia propón este xoves unha reflexión sobre o patrimonio

Temáticas
Identidade Patrimonio
Ficha técnica 
Ciclo
Foro Pensar o mundo dende Galicia
Territorio, patrimonio e identidade
Cando
Xoves, 19 de outubro de 2023
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación
Rebeca Blanco-Rotea
Participante
Álvaro Domingues
Teresa Nieto Freire
Valerià Paül Carril
Relator/a
Agustín Azkárate
Teresa Táboas Veleiro
Organiza
Consello da Cultura Galega
Sección de Patrimonio e Bens Culturais (CCG)