De pioneiras e andainas

Marta Bobo

Mulleres e deporte: a paixón por defender o noso

Xoves, 26 de outubro de 2023
Santiago de Compostela

Xornada

De pioneiras e andainas

Marta Bobo

Mulleres e deporte: a paixón por defender o noso

Xoves, 26 de outubro de 2023 Santiago de Compostela

Marta Bobo Arce, ximnasta. Muller galega deportista. Chegou ao máis alto da competición olímpica e segue a ser un referente para as mozas. Na actualidade exerce como xuíza internacional, como investigadora e como integrante da Comisión de Educación da Academia da Federación Internacional de Ximnasia. É adestradora e coreógrafa. Muller comprometida co deporte e o feminismo. Comprometida coa súa terra e a igualdade no deporte. Unha pioneira no deporte e na investigación.

Nesta xornada propomos revisar décadas de loita das mulleres polo recoñecemento no mundo do deporte, mais ollando tamén aos retos de futuro. Para este obxectivo estaremos acompañadas por deportistas novas que, grazas aos moitos camiños abertos, seguen eliminando obstáculos e denunciando o acoso e a persecución que viven no mundo deportivo. Tamén poderemos gozar da experiencia de persoas que compartiron os tempos de adestramento e logros deportivos con Marta Bobo.

No deporte, como noutros espazos, as mulleres non comezan de cero. Hai moitas que as precederon e que deben ser recoñecidas polo seu legado individual e colectivo. Marta Bobo é unha das pioneiras. Unha muller que nos acompaña nas andainas da vida e grazas a quen o futuro da ximnasia e o deporte é, sabémolo, máis igualitario.