Xornada - O pobo canta: o pensamento político de Pier Paolo Pasolini. Martes, 7 de novembro de 2023
Xornada

O pobo canta: o pensamento político de Pier Paolo Pasolini

  1. Inicio
  2. Eventos
  3. Xornada

Xornada

O pobo canta: o pensamento político de Pier Paolo Pasolini

Martes, 7 de novembro de 2023
Ourense
Xornada

O pobo canta: o pensamento político de Pier Paolo Pasolini

Martes, 7 de novembro de 2023 Ourense
«A liberdade non ten voz para o pobo. E o pobo canta» é un dos versos do poema «O canto popular», que resume unha parte esencial do pensamento político de Pasolini, que queremos analizar, máis de cen anos despois do seu nacemento (Boloña, 5/3/1922) e a corenta e oito anos do seu asasinato (Roma, 2/11/1975).

«O canto popular» remata con esta estrofa que recolle moitos dos elementos da reflexión política pasoliniana:

Na túa inconsciencia está a consciencia
que de ti a Historia desexa, esta Historia
en que o Home non ten máis violencia
que a da memoria, non da memoria libre…
E quizais xa non existe outra saída
que a de dar á súa ansia de xustiza
a forza da túa felicidade,
e á luz dun tempo que comeza
a luz de quen é o que non sabe.

A liberdade, a violencia, a memoria, a xustiza, a felicidade, o poder… son conceptos que formaron parte das reflexións de Pasolini na súa obra literaria, cinematográfica, poética e xornalística. Son cuestións que continúan (pre)ocupándonos e sobre as que o seu pensamento aínda enriquece os debates coas súas lúcidas análises cheas de matices e sen concesións.

Por iso esta xornada pretende contribuír a espallar o coñecemento sobre o pensamento político de Pasolini, que goza dunha sorprendente actualidade, ao mesmo tempo que introducir novos enfoques á hora de enfrontarse á súa obra.

Oito meses antes do seu asasinato publicou un artigo no Corriere della Sera co título «Non ter medo de ter un corazón». Nel transcribe a intervención dun dos protagonistas do que foi o seu seguinte filme, Salò ou os cento vinte días de Sodoma: «Nunha sociedade en que todo está prohibido, todo pode ser feito; nunha sociedade en que só se permite unha opción, só iso se pode facer». A sociedade permisiva só necesita consumidores, afirma Pasolini.

Eses son os camiños que continuamos percorrendo desde a morte de Pasolini —individualismo, cultura de masas, consumismo...— e que analizaremos nesta xornada desde a súa diversa e profunda obra.
Programa
O pobo canta: o pensamento político de Pier Paolo Pasolini
Programa en PDF
Prensa
06-11-2023

Especialistas analizan en Ourense o pensamento político de Pasolini

31-10-2023

Unha xornada analiza a vixencia do pensamento de Pasolini

Ficha técnica 
Xornada
O pobo canta: o pensamento político de Pier Paolo Pasolini
Cando
Martes, 7 de novembro de 2023
Onde
Ourense
Lugar

Centro Cultural Marcos Valcárcel
Rúa do Progreso, 30
32003 Ourense

Coordinación
Simone G. Saibene
Celia Pereira Porto
Organiza
Consello da Cultura Galega
Colabora
Centro Cultural Marcos Valcárcel
Cineclube Padre Feijoo
Deputación de Ourense