Pensar con Orgullo

V. Culturas e perspectivas queer

Xoves, 20 de xuño de 2024 Santiago de Compostela

---

A representación da diversidade sexual e de xénero na cultura e nos produtos audiovisuais desempeña un papel fundamental nos procesos de visibilidade e normalización. No traballo realizado polo Foro Identidades e Disidencias Sexuais recóllese, no eixe 2, a necesidade de abordar todo o relativo ao impulso das producións culturais que inclúan a realidade LGBT+ e que potencien referentes positivos.

Ante a importancia destas cuestións e no marco dunha nova edición de Pensar con Orgullo, propoñemos unha reflexión sobre a inclusión da perspectiva da diversidade sexual e de xénero nas programacións culturais de Galicia, así como sobre a situación das profesionais LGBT+ que se dedican á creación de contidos culturais.