Xornada - As galerías. 29 de xaneiro de 2025
A arte en tempo real

As galerías

  1. Inicio
  2. A arte en tempo real
  3. Xornada

A arte en tempo real

As galerías

29 de xaneiro de 2025
Santiago de Compostela
Xornada
A arte en tempo real

As galerías

29 de xaneiro de 2025 Santiago de Compostela
A Sección de Creación e Artes Visuais Contemporáneas do Consello da Cultura Galega organiza un ciclo para analizar o estado actual da arte na nosa comunidade. Realizarase desde a perspectiva de diferentes axentes que interveñen no seu contexto: artistas, galerías, comisariado, museos, coleccións e publicacións. O ciclo constará de cinco xornadas nas que se abordarán diferentes temas para o seu estudo e reflexión.

Nesta terceira xornada, centrarémonos na figura das galerías de arte do noso ecosistema cultural, facendo un percorrido pola historia do galerismo en Galicia das últimas décadas e analizando o papel que ocuparon (e ocupan) estes axentes clave, os principais fitos e os diferentes modelos de xestión, os perfís profesionais que traballan neste sector e os retos de futuro para conseguir, como levan anos facéndoo, sobrevivir con coraxe e convicción nun ámbito tan complexo como vocacional.

A apertura e a xestión das galerías de arte requiren dunha perfecta simbiose entre intuición e sensibilidade, capacidade de resistencia e planificación estratéxica, e pon a proba día a día un modelo de negocio que navega entre un innegable amor á arte e un mercado da arte desnutrido, cambiante e inestable, sobre todo nos últimos tempos. Saber identificar as necesidades e adecuar as expectativas, ter un equilibrio intelixente entre intuición e planificación, así como ofrecer unha programación expositiva rica e en constante cambio son algunhas das constantes para as e os profesionais que dirixen as galerías de arte.

As galerías achegan ao público espectador unha mirada múltiple sobre o mundo no que vivimos, a través das diferentes disciplinas artísticas, abrindo as súas portas e axudando aos artistas a lograr posicionarse dentro do complicado mundo da arte. Son axentes indispensables que dinamizan o sector e o mercado da arte, proxectando e impulsando a vangarda, sendo plataforma para os nosos creadores e creadoras, contribuíndo co seu contexto na oferta de experiencias culturais enriquecedoras.
Programa
As galerías
Programa en PDF
Prensa
28-01-2025

O ciclo “Arte en tempo real” chega ao seu ecuador cunha análise da situación das galerías

Ficha técnica 
Xornada
A arte en tempo real
As galerías
Cando
29 de xaneiro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Luisa Pita
Relator/a
Javier Blanco
Lucía C. Suárez
Diana Llamazares
Inauguración
Rosario Álvarez Blanco
Paula Cabaleiro Comesaña
Organiza
Consello da Cultura Galega
Sección de Creación e Artes Visuais Contemporáneas (CCG)