Proxecto Xenoma Galicia

Xornada

Proxecto Xenoma Galicia

13 de febreiro de 2025
Santiago de Compostela

Xornada

Proxecto Xenoma Galicia

13 de febreiro de 2025 Santiago de Compostela

A medicina personalizada é un modelo médico que utiliza a caracterización dos fenotipos e xenotipos dos individuos para adaptar a estratexia terapéutica adecuada para a persoa concreta no momento adecuado e/ou para determinar a predisposición á enfermidade e/ou ofrecer unha prevención oportuna e específica. A súa implementación precisa de mecanismos de estratificación poboacional orientados ao diagnóstico e ao tratamento personalizado, como ferramenta de gran valor na provisión dunha atención proactiva, na que a prevención e a detección temperá e personalizada da enfermidade desempeña un papel fundamental.

As novas tecnoloxías xenómicas permiten levar a cabo un proceso de estratificación poboacional máis preciso, orientado á identificación da poboación con maior risco, para realizar un seguimento personalizado, implementando novos protocolos de diagnóstico temperán de enfermidades baseados en evidencia científica a partir da análise de datos individuais e poboacionais.

O proxecto Xenoma Galicia é unha iniciativa da Xunta de Galicia que aposta pola xenómica como habilitadora da medicina personalizada e como impulsora da investigación biomédica no ecosistema galego de saúde. Os seus obxectivos son secuenciar o ADN de 400 000 cidadáns e, deste xeito, poder detectar enfermidades antes de que aparezan, diagnosticalas de maneira precoz e ofrecer tratamentos farmacolóxicos individualizados, así como constituír un banco de datos xenómico e un biobanco galego de mostras biolóxicas dispoñibles para o colectivo investigador.

Nesta xornada falaremos das oportunidades que nos ofrece a medicina personalizada, así como da posta en marcha da iniciativa Xenoma Galicia.

Programa

Proxecto Xenoma Galicia
Programa en PDF

Prensa

12-02-2025

Unha xornada reflexiona sobre a medicina personalizada

Ficha técnica

Xornada
Proxecto Xenoma Galicia

Cando

13 de febreiro de 2025

Onde

Santiago de Compostela

Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación

María Brión Martínez
Anxo Carracedo Álvarez

Relator/a

Senén Barro Ameneiro
Carmen Durán Parrondo
Benigno Rosón Calvo

Inauguración

Rosario Álvarez Blanco

Organiza

Consello da Cultura Galega

Colabora

Proxecto Xenoma Galicia
Xunta de Galicia