Xornada - Recuperemos as mans: homenaxe a María Xosé Queizán. 5 de febreiro de 2025
De pioneiras e andainas

Recuperemos as mans: homenaxe a María Xosé Queizán

  1. Inicio
  2. De pioneiras e andainas
  3. Xornada

De pioneiras e andainas

Recuperemos as mans: homenaxe a María Xosé Queizán

5 de febreiro de 2025
Santiago de Compostela
Xornada
De pioneiras e andainas

Recuperemos as mans: homenaxe a María Xosé Queizán

5 de febreiro de 2025 Santiago de Compostela
María Xosé Queizán escribe os seus primeiros ensaios feministas no medio dunha intensa fervenza na que conflúen a actividade organizativa e mais a experiencia vital, os azos da creación coa necesidade de actuar e a urxencia de razoar a condición das mulleres en Galicia. Por iso os seus primeiros ensaios xorden coa vontade de pensar desde a praxe. Recuperemos as mans e Evidencias, textos publicados en 1980 e 1989, respectivamente, dos que disque pouco se falou, aínda que nos abriran os ollos e nos fixeran escoitar e rachar silencios.

Este é o valor desta homenaxe, traer á actualidade o escrito pola autora, establecer un diálogo entre o tempo da primeira publicación e a actual, non tanto para comprobar aínda a vixencia ou superación de moitas das argumentacións, senón para admitir a relevancia da súa escrita naquela etapa histórica dos inicios democráticos na que comezaban a mudar comportamentos, máis que leis, que admitían algo máis a independencia económica da muller, a súa saída do privado, do doméstico, para deixar de tratala como unha menor dependente do pai ou do esposo. Ese momento en que a lingua, reducida a unha función familiar, no mundo do privado, se converte en tema e era preciso liberala. A relación entre a situación da muller e da lingua galega foi esclarecedora; como evidente e, á vez, perturbador resultou ler en Recuperemos as mans a identificación da muller coa imaxe do escravo.

Oxalá esta xornada reavive ou esperte o interese pola obra da autora e permita a entrada deses textos en novos espazos e nas lecturas das xeracións máis novas. Todo pode comezar por lle prestarmos atención á súa maneira de situarse no espazo como cidadá e como escritora e pensadora.
Programa
Recuperemos as mans: homenaxe a María Xosé Queizán
Programa en PDF
Publicación
Recuperemos as mans. Evidencias
Recuperemos as mans. Evidencias
María Xosé Queizán, Autoría. | 2025
Prensa
06-02-2025

Unha xornada homenaxea a María Xosé Queizán, pioneira do feminismo galego

04-02-2025

O CDIF homenaxea a María Xosé Queizán

Ficha técnica 
Xornada
De pioneiras e andainas
Recuperemos as mans: homenaxe a María Xosé Queizán
Cando
5 de febreiro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Relator/a
Carme Adán Villamarín
Marga do Val
Helena González Fernández
Inauguración
Carme Adán Villamarín
Rosario Álvarez Blanco
Modera
Inma López Silva
Organiza
Centro de Documentación en Igualdade e Feminismos (CCG)
Consello da Cultura Galega