Paisaxe cultural e patrimonio territorial

Encontros Temáticos Transversais dende o Patrimonio Cultural

Paisaxe cultural e patrimonio territorial

Cara a un proxecto integrado do territorio

ETTPC #1. 19 e 20 de febreiro de 2025
Santiago de Compostela
Encontro
Encontros Temáticos Transversais dende o Patrimonio Cultural

Paisaxe cultural e patrimonio territorial

Cara a un proxecto integrado do territorio

ETTPC #1. 19 e 20 de febreiro de 2025 Santiago de Compostela
Os Encontros Temáticos Transversais dende o Patrimonio Cultural (ETTPC) xorden como unha actividade centrada na reflexión e o debate que, ao longo do bienio 2025-2026, vai xirar arredor do territorio como obxecto de análise, como ben común no que se manifesta a nosa forma de habitar o mundo, no sentido heideggeriano, e de relacionarnos.
No uso máis contemporáneo do territorio recoñécense lóxicas que sacrificaron o medio, os lugares e as identidades paisaxísticas ás urxencias do crecemento económico, pois medio e identidade considéranse como aspectos marxinais dun espazo que ocupar, cunha actitude indiferente aos valores que o caracterizan. O territorio ten unha profundidade histórica latente na nosa identidade cultural, xa que é resultado de procesos coevolutivos de longa duración entre o asentamento humano e o medio e, por iso, forma parte da nosa existencia individual e colectiva. A identidade local que se recoñece nas peculiaridades e singularidades dos lugares é unha realidade dinámica que se debe proxectar no futuro, como un potencial, unha oportunidade, un proxecto, e para iso cómpre protexela no presente.
Neste primeiro encontro imos tratar dos valores dos lugares e dos bens patrimoniais e de como constitúen un sistema vivo e complexo no que natureza e cultura son inseparables. Esta comprensión sistémica e territorial do patrimonio ten como aliado o concepto de paisaxe cultural, que desempeña un papel fundamental á hora de establecer unha estratexia para integrar a posta en valor dos lugares e dos bens patrimoniais locais nos procesos de coñecemento, ordenación, planificación e transformación do territorio orientados ao benestar social.
Recoñecer e valorizar a estrutura patrimonial do territorio, desde a mirada integradora da paisaxe cultural, afastada do consumo irreversible do medio ambiente e do territorio, contando coa participación social e cos coñecementos e valores da poboación local, está no camiño dunha necesaria autorrexeneración do territorio nas compoñentes materiais e inmateriais.

VINDEIRAS SESIÓNS

ETTPC2. A sostibilidade territorial e o retorno ao lugar. O papel do territorio rural
9 e 10 de abril
Conferenciante: Joan Nogué i Font

ETTPC3. O modelo global de transición ecolóxica: desafíos e riscos para os sistemas territoriais locais
9 e 10 xuño
Conferenciante: Jaume Franquesa
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Ficha técnica 
Encontro.
Encontros Temáticos Transversais dende o Patrimonio Cultural
Paisaxe cultural e patrimonio territorial
Cara a un proxecto integrado do territorio
Cando
ETTPC #1. 19 e 20 de febreiro de 2025
Onde
Santiago de Compostela
Enderezo

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Carlos Amoedo
Rebeca Blanco-Rotea
Teresa Nieto Freire
Organiza
Consello da Cultura Galega
Sección de Patrimonio e Bens Culturais (CCG)