Xornada - Acceso á cultura e participación. 26 de marzo de 2025
Acceso á cultura en Galicia 2025

Acceso á cultura e participación

  1. Inicio
  2. Xornada
  3. Acceso á cultura en Galicia 2025

Acceso á cultura e participación

26 de marzo de 2025
Boiro
Xornada
Acceso á cultura en Galicia 2025

Acceso á cultura e participación

26 de marzo de 2025 Boiro
O Consello da Cultura Galega leva desde 2023 traballando especificamente o tema dos dereitos culturais, que nos últimos tempos está a consolidarse como unha corrente que ter moi en conta nas políticas culturais públicas, como proban a creación da Dirección Xeral de Dereitos Culturais do Goberno do Estado, a elaboración en marcha do Plan de Dereitos Culturais estatal e as leis xa aprobadas que regulan esta materia en territorios como Navarra ou as Illas Canarias.

Durante este ano 2025 a Comisión Técnica Temporal de Xestión e Políticas Culturais do CCG quere continuar traballando nesta corrente de actualidade co obxectivo de analizar se as políticas culturais galegas están seguindo este «novo paradigma» das políticas públicas.

A forma de facelo será a través de catro xornadas de debate e recollida de información que se desenvolverán de marzo a xuño atendendo a catro perspectivas do dereito de acceso á cultura: o dereito a participar, a perspectiva territorial (nun país con tanta dispersión coma o noso), o acceso e a comunicación e a interseccionalidade.

Destas catro recollidas e dos informes extraídos darase conta nunha xornada de outono na que tentaremos analizar se os dereitos culturais se están a cumprir en Galicia.

RECOLLIDA 1 | ACCESO E PARTICIPACIÓN

Galicia é un país de ampla tradición na cultura comunitaria e participativa, mais a Administración garante o dereito cidadán a participar en cultura? E, se é así, en que medida?

Nesta primeira xornada (recollida de información) analizaremos a participación cidadá en cultura como un estadio desexable do dereito de acceso ao feito cultural, onde as persoas exercen o seu dereito a facer cultura e non só a consumila. Estas prácticas culturais participativas son ademais moi propias da tradición cultural galega que chega aos nosos días, polo que parece lóxico que as políticas culturais que nos atinxen atendan a esta perspectiva.

Para analizar se o dereito a participar se cumpre en Galicia e en que medida, convidaremos ao debate seis proxectos xa consolidados, mediadoras profesionais e o público que queira tomar parte, co obxectivo de obtermos información de primeira man de diversos axentes culturais galegos que posteriormente confluirá nun informe técnico que pretendemos que tamén sexa participativo.
ASISTENCIA
A inscrición é gratuíta.
O número de prazas é limitado.
As prazas cubriranse por rigorosa orde de inscrición.
LUGAR
Pazo de Goiáns
Lugar Escaris, 1
15992 Boiro
MÁIS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Acceso á cultura e participación
Programa en PDF
Ficha técnica 
Xornada
Acceso á cultura en Galicia 2025
Acceso á cultura e participación
Cando
26 de marzo de 2025
Onde
Boiro
Enderezo

Pazo de Goiáns
Lugar Escaris, 1
15992 Boiro

Coordinación
Alberto García
Organiza
Comisión Técnica Temporal de Xestión e Políticas Culturais (CCG)
Consello da Cultura Galega
Colabora
Concello de Boiro