Cine e educación: experiencias de Galicia e Portugal

Xornada

Cine e educación: experiencias de Galicia e Portugal

4 abril de 2025
Santiago de Compostela

Xornada

Cine e educación: experiencias de Galicia e Portugal

4 abril de 2025 Santiago de Compostela

A cultura é o pegamento que une a sociedade, e o cine é unha das súas manifestacións máis amables e atractivas, o que o fai imprescindible no proceso educativo. Comprender a linguaxe audiovisual é necesario no desenvolvemento da conciencia social. Se, ademais, aspiramos a lograr personalidades civicamente activas, responsables e críticas, cómpre transformar o rol de espectador en rol creador. Este proceso comeza nas etapas máis prematuras da educación, e para logralo é esencial contar cun profesorado que sirva de guía e referente.
O cine nas aulas empregouse como apoio desde que tecnicamente foi posible facer proxeccións, pero a súa pedagoxía estivo circunscrita ao ensino postobrigatorio, que en Galicia comezou en 1989 coa creación da Escola de Imaxe e Son da Coruña. Nas aulas de secundaria, a materialización curricular do audiovisual comeza coa LOXSE (1990), pola cal pasou a formar parte da materia de Educación Plástica e Visual para a ESO e de Comunicación Audiovisual para bacharelato. Coa LOMCE, en 2013, o audiovisual adquire a súa relevancia actual, presente nun terzo dos bloques de contidos da materia da ESO de Educación Plástica, Visual e Audiovisual, e na de Cultura Audiovisual de bacharelato.
A falta de formación específica do profesorado de Plástica provocou unha autoorganización do colectivo docente, que creou equipos de traballo que foron referentes: Aturuxo Films, con residencia no IES de Cacheiras; Caranguexo Films, do IES As Barxas de Moaña; ou o proxecto Olloboi, vencellado a unha asociación cultural integrada por docentes e non-docentes de Boiro. Iniciativas destacadas da Administración son os programas Nós tamén creamos!, da SXPL, ou Cinema en curso, potenciado pola Consellería de Educación.
Ollamos con admiración a relevancia que en Portugal se dá ao estudo da relación entre cinema e educación: os Encontros de Cinema de Viana, organizados pola asociación Ao Norte e a Câmara Municipal de Viana, levan 25 anos sendo un espazo referente de encontro, formación e debate no que conflúen estudantes e profesionais do cine, escolas, cineclubistas e público en xeral.
A nosa proposta, Cine e educación: experiencias de Galicia e Portugal, pretende visibilizar e difundir dinámicas consolidadas de pedagoxía do cine nas aulas galegas, da primaria á universidade; tender pontes entre ensino e audiovisual profesional, grazas á perspectiva de institucións como a Filmoteca de Galicia, o Consello da Cultura ou a Agadic; e facer un intercambio con prácticas de Portugal.

Programa

Cine e educación: experiencias de Galicia e Portugal
Programa en PDF

Prensa

03-04-2025

Unha xornada amosa experiencias singulares de pedagoxía do cine nas aulas

Ficha técnica

Xornada
Cine e educación: experiencias de Galicia e Portugal

Cando

4 abril de 2025

Onde

Santiago de Compostela

Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación

Cristina Domínguez Dapena
Beli Martínez Martínez
Ana Moreiras
José Manuel Sande García

Relator/a

Miguel Arieira
Xiao Berlai
Elsa Cerqueira
Sergio Clavero Ibañez De Garayo
Ana Estévez Lavandeira
Mónica García Iglesias
Felipe M. Guerra
Chelo Loureiro Vilarelle
Hugh McGinley
Dolores Meijomín Rodríguez
Natuska Naylor García
Coral Piñeiro González
Carlos Viana

Inauguración

Rosario Álvarez Blanco

Organiza

Consello da Cultura Galega
Sección de Artes Escénicas, Musicais e Audiovisuais (CCG)

Colabora

Asociación Cultural Olloboi
Museo do Pobo Galego

Imaxe da portada: Fotografía de Pablo Chouza para Olloboi