Encontro - A música, o canto e o baile. 23 de maio de 2025
Encontro

A música, o canto e o baile

  1. Inicio
  2. Eventos
  3. Comunidades e patrimonio cultural inmaterial
  4. Encontro

Comunidades e patrimonio cultural inmaterial Encontro

A música, o canto e o baile

23 de maio de 2025
A Fonsagrada
Encontro
Comunidades e patrimonio cultural inmaterial

A música, o canto e o baile

23 de maio de 2025 A Fonsagrada
En 2018 levouse a cabo a incoación do expediente para que o baile tradicional galego fose declarado ben de interese cultural (BIC). Durante o procedemento de información pública foron presentadas alegacións por diversas persoas e asociacións; entre elas, colectivos relacionados coa antropoloxía e o patrimonio etnolóxico de Galicia e tamén co propio baile tradicional, que entenderon que o texto proposto tiña eivas importantes: a disociación de música e baile, a ausencia de perspectiva de xénero ou a redacción en pasado dun patrimonio vivo. A Asociación Galega de Antropoloxía presentou entón unha alternativa, usando a figura da foliada, manifestación musical, festiva e popular específica de Galicia.

Na actualidade, hai un novo texto, proposto pola Xunta de Galicia, sobre a música e o baile. Este proceso xerou un debate e reflexión no país que vai alén desta manifestación cultural concreta, para entrar en cuestións doutra magnitude e que interpelan as normas sobre patrimonio cultural e a protección do noso patrimonio cultural inmaterial (PCI).

Neste encontro ímonos á Fonsagrada, lugar onde a foliada pasou de ser unha cita marcada no calendario para aquelas persoas pertencentes ao ámbito do folclore a constituír un evento xa denominado o «festival de inverno». Aí amosaremos diversas prácticas comunitarias arredor do patrimonio cultural inmaterial para, a partir destas, reflexionar conxuntamente verbo das normas sobre o PCI e a súa aplicación. Falaremos de como, onde e sobre quen recaen ou deben recaer o amparo, a transmisión e a xestión deste tipo de patrimonio.
Programa
Comunidades e patrimonio cultural inmaterial
Programa en PDF
Prensa
23-05-2025

Unha xornada aborda na Fonsagrada a protección do patrimonio cultural inmaterial

Ficha técnica 
Encontro
Comunidades e patrimonio cultural inmaterial
A música, o canto e o baile
Cando
23 de maio de 2025
Onde
A Fonsagrada
Lugar

IES Fontem Albei
R/ Marmoiral, s/n
27100 A Fonsagrada (Lugo)

Coordinación
Noemi Basanta
Carme Campo Martínez
Ana Estévez Lavandeira
Organiza
Consello da Cultura Galega
Sección de Patrimonio e Bens Culturais (CCG)
Colabora
Asociación Cultural Antaruxas e Sorteiros
Asociación Cultural Petapouco e a Destempo
Concello da Fonsagrada
IES Fontem Albei

Imaxe da portada: Henningsen, G. (1965), Foliada en Ardemil. Museo do Pobo Galego. Fondo Rey-Henningsen