23 de maio de 2025A Fonsagrada
En 2018 levouse a cabo a incoación do expediente para que o baile tradicional galego fose declarado ben de interese cultural (BIC). Durante o procedemento de información pública foron presentadas alegacións por diversas persoas e asociacións; entre elas, colectivos relacionados coa antropoloxía e o patrimonio etnolóxico de Galicia e tamén co propio baile tradicional, que entenderon que o texto proposto tiña eivas importantes: a disociación de música e baile, a ausencia de perspectiva de xénero ou a redacción en pasado dun patrimonio vivo. A Asociación Galega de Antropoloxía presentou entón unha alternativa, usando a figura da foliada, manifestación musical, festiva e popular específica de Galicia.
Na actualidade, hai un novo texto, proposto pola Xunta de Galicia, sobre a música e o baile. Este proceso xerou un debate e reflexión no país que vai alén desta manifestación cultural concreta, para entrar en cuestións doutra magnitude e que interpelan as normas sobre patrimonio cultural e a protección do noso patrimonio cultural inmaterial (PCI).
Neste encontro ímonos á Fonsagrada, lugar onde a foliada pasou de ser unha cita marcada no calendario para aquelas persoas pertencentes ao ámbito do folclore a constituír un evento xa denominado o «festival de inverno». Aí amosaremos diversas prácticas comunitarias arredor do patrimonio cultural inmaterial para, a partir destas, reflexionar conxuntamente verbo das normas sobre o PCI e a súa aplicación. Falaremos de como, onde e sobre quen recaen ou deben recaer o amparo, a transmisión e a xestión deste tipo de patrimonio.
ASISTENCIA
A inscrición é gratuíta.
O número de prazas é limitado.
As prazas cubriranse por rigorosa orde de inscrición.
LUGAR IES Fontem Albei
R/ Marmoiral, s/n
27100 A Fonsagrada (Lugo)
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
Encontro
Comunidades e patrimonio cultural inmaterial
A música, o canto e o baile
23 de maio de 2025A Fonsagrada
16:15 horas
Presentación
Charla marco
16:30 horas A normativa sobre protección do patrimonio cultural inmaterial Sara González Cambeiro, coordinadora do Plan nacional de salvagarda do patrimonio cultural inmaterial, Unidade de Antropoloxía, Subdirección Xeral do Instituto del Patrimonio Cultural de España (IPCE), Dirección Xeral de Patrimonio Cultural e Belas Artes, Ministerio de Cultura
Sesión de relatorios
17:15 horas Outras miradas. O flamenco como exemplo de BIC na categoría de PCI José A. González Alcantud, catedrático de Antropoloxía Social da Universidad de Granada e académico correspondente da Real Academia de Ciencias Morales y Políticas17:45 horas O canto alentejano. A memoria e resistencia dun pobo Dulce Simões, doutora en Antropoloxía con posdoutoramento en Estudos Artísticos. Investigadora contratada no Instituto de Etnomusicologia - Centro de Estudos em Música e Dança e colaboradora do Instituto de História Contemporânea da Universidade Nova de Lisboa
18:15 horas A declaración da música e o baile tradicionais galegos como BIC: unha ollada desde a comunidade portadora Ana García Lenza, lingüista e membro da comunidade portadora que redactou alegacións ás incoacións BIC do baile tradicional (2018) e da música e o baile tradicionais (2024)
18:45 horas
Mesa de debate Os BIC e outras figuras de protección sobre o patrimonio vivo
Conducido por Noemí Basanta e Carme Campo, coordinadoras da xornada
20:00 horas
Remate
Foliada
LUGAR IES Fontem Albei
R/ Marmoiral, s/n
27100 A Fonsagrada (Lugo)
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado.
As prazas cubriranse por rigorosa orde de inscrición.
