Xornada - Fronte á dor das outras. 30 de abril de 2025
Xornada

Fronte á dor das outras

  1. Inicio
  2. Eventos
  3. Debates feministas
  4. Xornada

Debates feministas Xornada

Fronte á dor das outras

Os nesgos de xénero na enfermidade

30 de abril de 2025
Santiago de Compostela
Xornada
Debates feministas

Fronte á dor das outras

Os nesgos de xénero na enfermidade

30 de abril de 2025 Santiago de Compostela
Di Susan Sontag que todas nacemos con dous carnés, un de sa e outro de enferma, e que todas estamos destinadas a facer uso dos dous. A consciencia de que a condición da vulnerabilidade é universal e compartida debería facernos traballar en atopar recursos contra a vitimización, contra toda carga estigmatizadora, contra toda tentación de incorrer en metáforas militares, guerreiras ou apocalípticas. Porque por riba de nós paira un relato: as mulleres, as histéricas. Como se infiltra ese espectro na maneira de vivir e de ser comprendida a enfermidade, a dor no corpo feminino?

Demasiados prexuízos, demasiadas mulleres desatendidas, culpabilizadas ou mal diagnosticadas. O home vitruviano, o modelo que esmaga e homoxeneiza, está por tras de todo o imperfecto coñecemento do vastísimo campo do sufrimento feminino.

Esta xornada, centrada na enfermidade e o nesgo de xénero, tratará o universo da fibromialxia, as cifras e trazos de exclusión característicos da saúde mental ou a comercialización e adulteración da enfermidade no cancro de mama.

«Ter boa cara», ese mandato que, mesmo enferma, forza a que continúes intentando ser obxecto produtivo e desexable na engrenaxe. Por todo iso propomos esta xornada, para revisar as convencións, reivindicar a disidencia e afirmar a existencia, plena, dos corpos enfermos das mulleres.
Programa
Fronte á dor das outras. Os nesgos de xénero na enfermidade
Programa en PDF
Temáticas
Igualdade
Ficha técnica 
Xornada
Debates feministas
Fronte á dor das outras
Os nesgos de xénero na enfermidade
Cando
30 de abril de 2025
Onde
Santiago de Compostela
Lugar

Facultade de Medicina e Odontoloxía
Salón de Actos
Rúa de San Francisco, s/n
15782 Santiago de Compostela

Organiza
Centro de Documentación en Igualdade e Feminismos (CCG)
Consello da Cultura Galega
Colabora
Facultade de Medicina e Odontoloxía

Imaxe da portada: Relectura {La columna rota} Frida Kahlo, Camila Coutto