Difusión - Ángel Brage. Mércores, 11 de xuño de 2025
Álbum de Galicia

Ángel Brage

  1. Inicio
  2. Álbum de Galicia
  3. Difusión

Álbum de Galicia

Ángel Brage

Mércores, 11 de xuño de 2025
Santiago de Compostela
Difusión
Álbum de Galicia

Ángel Brage

Santiago de Compostela

Ángel Brage

Álbum de Galicia
Accede ao contido

O Álbum de Galicia, colección de biografías do Consello da Cultura Galega (CCG), incorpora hoxe a entrada de Ángel Brage Villar (Santiago de Compostela, 1903 – 1983). Foi director de orquestra teatral, profesor de piano e director da Escola Municipal de Música de Santiago. Loitou porque se recoñecera a música como disciplina universitaria e mantivo activa a Escola durante a Guerra Civil e Posguerra. David Ferreiro Carballo asina a entrada que está dispoñible para consultar no web do CCG.
Ángel Brage pertencía a unha saga de compositores e instrumentistas composteláns con relación co Teatro Principal. Dedicouse dende moi novo a arranxar pezas para a sonorización en directo de filmes de cine mudo, e converténdose así no pianista-director das orquestras do Teatro Principal e do Salón Teatro. Ademais, frecuentaba diversos espazos culturais e cafés teatro da cidade como o Derby ou o Argentino, onde tocaba con diversas agrupacións. Entre os anos 20 e finais da Segunda República, colaboraba musicalmente con compañías de zarzuela que pasaban pola capital galega, chegando a acompañar co piano as voces de Pastora Imperio ou Ángeles Ottein.

Ademais da súa faceta como compositor, adicouse á labor pedagóxica e foi un dos primeiros defensores da ensinanza musical regrada en Galicia. Consagrou a súa vida profesional a reclamar o recoñecemento da disciplina, e conseguiu que a Escola de Municipal de Música de Santiago se convertese en Conservatorio; o primeiro paso para oficializar a futura educación musical en Galicia. Nos seus anos como profesor de piano e director da Escola, conseguiu mantela activa durante a Guerra Civil e a posguerra. Ademais, formou a músicos salientables como Ramón Castromil, Maximino Zumalave, Rogelio Groba ou Joam Trillo.

A entrada do Álbum de Galicia percorre a vida do músico dende os seus primeiros anos, ata os recoñecementos que acadou ao final desta, pasando polo seu papel na dinamización da vida cultural de Compostela e a súa loita pola posta en valor a educación musical do país.

Álbum de Galicia
En xaneiro de 2020 o Consello da Cultura Galega presentou o Álbum de Galicia, unha colección dixital de biografías de persoas que destacaron en moi diversos ámbitos: a sociedade, a ciencia, a cultura ou a empresa. Na actualidade conta con máis de 770 entradas, das cales as máis recentes son as de José Fernández Vide, Paco Conesa, Mercedes Mariño, Aurichu Pereira, Lola Arribe, Valentín Lamas Carvajal, as cantareiras de Cerceda, Virxilio Viéitez, Tucho Lagares ou Eduardo Lence-Sartar. As biografías do Álbum están enriquecidas con material documental, referencias bibliográficas e contidos multimedia que permiten coñecer a obra das persoas divulgadas, pero tamén a produción intelectual existente sobre elas. Os textos e materiais están producidos por expertos e son unha fonte rigorosa para acceder á vida e obra destes persoeiros. Ademais, o Álbum de Galicia permite explorar a presenza das persoas biografadas nos fondos documentais dixitalizados do Consello da Cultura Galega.
Prensa
11-06-2025

Ángel Brage, compositor e pioneiro da educación musical regrada, entra no Álbum de Galicia

 
Difusión
Álbum de Galicia
Ángel Brage
Data de publicación
Mércores, 11 de xuño de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Ámbito
Arquivo Sonoro de Galicia (CCG)