Xornada - Acceso á cultura en Galicia 2025. 9 de outubro de 2025

Acceso á cultura en Galicia 2025

Acceso á cultura en Galicia 2025

Acceso á cultura en Galicia 2025

9 de outubro de 2025
Antas de Ulla
Xornada
Acceso á cultura en Galicia 2025

Acceso á cultura en Galicia 2025

9 de outubro de 2025 Antas de Ulla
Cando alguén cita os dereitos universais das persoas, adoita acordarse da vivenda digna, da educación, da sanidade… En poucos casos se inclúe nesa lista a cultura, a pesar de estar considerada tamén como un dereito, tanto na Declaración Universal dos Dereitos Humanos da ONU como no artigo 44 da nosa Constitución.

Nos últimos anos, van agromando distintas iniciativas para tratar de colocar os dereitos culturais no centro das políticas públicas e recoñecelos como dereitos humanos fundamentais, ligados á participación democrática, a diversidade, a xustiza social e o desenvolvemento sostible.

A nivel autonómico, a Xunta de Galicia aprobou a finais de 2024 a Lei de cultura inclusiva e accesible de Galicia e, a nivel estatal, a Dirección Xeral de Dereitos Culturais do Goberno de España acaba de presentar, o pasado xullo, o primeiro Plan de dereitos culturais co que conta a cidadanía española.

Pero, máis alá da lexislación e as normativas vixentes, temos a posibilidade de exercer realmente os nosos dereitos culturais?

Durante a primavera deste 2025, a Comisión Técnica Temporal de Xestión e Políticas Culturais do CCG realizou recollidas territoriais nas catro provincias galegas para analizar sobre o terreo se as políticas culturais están velando polo cumprimento dos dereitos culturais que asisten a cidadanía, centrándose nos eixes da participación, o territorio, a comunicación e a interseccionalidade das desigualdades. Nesta xornada de outono presentaremos os resultados dese proceso nas voces das persoas que formaron parte del e contaremos tamén con representantes de distintas administracións, que analizarán con nós as liñas de acción que se están desenvolvendo nesta materia.
Ficha técnica 
Xornada
Acceso á cultura en Galicia 2025
Acceso á cultura en Galicia 2025
Cando
9 de outubro de 2025
Onde
Antas de Ulla
Lugar

Casa da Cultura
Rúa Miguel Ángel Blanco, 20
27570 Antas de Ulla, Lugo

Organiza
Comisión Técnica Temporal de Xestión e Políticas Culturais (CCG)
Consello da Cultura Galega
Colabora
Concello de Antas de Ulla