Xornada - Bolsas de creación e residencias artísticas. Mércores, 29 de outubro de 2025
A arte en tempo real

Bolsas de creación e residencias artísticas

  1. Inicio
  2. A arte en tempo real
  3. Xornada

A arte en tempo real

Bolsas de creación e residencias artísticas

Mércores, 29 de outubro de 2025
Santiago de Compostela
Xornada
A arte en tempo real

Bolsas de creación e residencias artísticas

Mércores, 29 de outubro de 2025 Santiago de Compostela
@ConsellodaCultura

Gravación íntegra do video En directo: Bolsas de creación e residencias artísticas

Como en moitos outros contextos, especialmente periféricos, as bolsas de formación e creación artística foron clave para a profesionalización e a proxección exterior do sector artístico galego. Un bo exemplo foron as históricas bolsas das deputacións, outorgadas xa desde a primeira metade do século XX, a través das cales moitas figuras, hoxe emblemáticas da nosa arte galega, puideron coñecer de primeira man as vangardas europeas, investigar novas técnicas artísticas e permearse de novas correntes conceptuais, que impulsaron a cultura galega para situala no terreo da innovación.

Co avance do século, a aparición de novas fundacións (moitas delas emerxendo da obra social de caixas de aforros e entidades bancarias) e os museos de arte contemporánea, así como o nacemento da Facultade de Belas Artes da Universidade de Vigo, o panorama galego foise nutrindo con múltiples liñas de apoio á creación artística, impulsando a formación e especialización das novas fornadas de creadores e creadoras.

A desaparición ou decrecemento de moitas destas bolsas, certames e convocatorias, alén de museos e espazos que foron cruciais neste ámbito, como o antigo MACUF —por sinalar un exemplo moi significativo—, fixeron minguar notablemente nos últimos anos o apoio á creación contemporánea galega. Mais emerxeron algunhas residencias artísticas moi interesantes, que promoven a idea de ter un tempo e un espazo para crear, para compartir procesos e establecer sinerxías, apoiando con recursos económicos e infraestruturais este sector cada vez máis precarizado. Cómpre tamén poñer o foco no que aínda temos, que, malia que escaso e incluso extraordinario, segue a ser moi valioso.

Esta nova xornada do ciclo A arte en tempo real, organizada desde a Sección de Creación e Artes Visuais Contemporáneas do Consello da Cultura Galega, abordará unha revisión de como foi evolucionando a situación do sistema de bolsas de creación e residencias artísticas en Galicia, centrando a atención na actualidade e dando voz a diferentes profesionais e entidades que promoven a día de hoxe programas e proxectos que facilitan e impulsan a creación contemporánea en todas as súas dimensións. Tamén convidamos a voces doutros contextos, para estudar conxuntamente o marco nacional e internacional e as novas correntes neste ámbito esencial para un sector artístico precarizado pero resiliente, que precisa máis que nunca de alianzas e apoios con miras a facer parte dun futuro mellor para a sociedade, se aínda hai esperanza.
Programa
Bolsas de creación e residencias artísticas
Programa en PDF
Prensa
28-10-2025

O ciclo Arte en tempo real analiza o papel das bolsas e residencias no sector artístico

25-10-2025

Outubro pecha con homenaxes a Anna Turbau, Fernando Calvet e María Xose Porteiro

Ficha técnica 
Xornada
A arte en tempo real
Bolsas de creación e residencias artísticas
Cando
Mércores, 29 de outubro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Paula Cabaleiro Comesaña
Silvia García González
Relator/a
Mónica Alonso
Elena Bangueses
Ignacio Barcia
Félix Fernández
Susana González
Verónica Santos
Helena Vaz da Silva
Organiza
Consello da Cultura Galega
Sección de Creación e Artes Visuais Contemporáneas (CCG)