Xornada - María Xosé Porteiro: Activista das palabras. Xoves, 30 de outubro de 2025
De pioneiras e andainas

María Xosé Porteiro: Activista das palabras

  1. Inicio
  2. De pioneiras e andainas
  3. Xornada

De pioneiras e andainas

María Xosé Porteiro: Activista das palabras

Xoves, 30 de outubro de 2025
Santiago de Compostela
Xornada
De pioneiras e andainas

María Xosé Porteiro: Activista das palabras

Xoves, 30 de outubro de 2025 Santiago de Compostela
@ConsellodaCultura

Gravación íntegra do video En directo: María Xosé Porteiro: Activista das palabras

Nalgunha ocasión declarou ter a cabeza chea de cicatrices de bater con tantos teitos, non xa de cristal, senón dunha pedra tan grosa que nin sequera facía posible imaxinar para as mulleres outros horizontes. As feridas de María Xosé Porteiro foron camiños que se abriron ante moitas de nós. Pioneira como xornalista, como política, como líder institucional á fronte de medidas a prol das mulleres, María Xosé Porteiro ten e tivo na súa voz unha das súas principais fortalezas.

Esa voz, non só como modula e fala, senón tamén a maneira en que defende aquilo no que cre, permitiulle ser unha das primeiras mulleres en traballar en medios de comunicación en Galicia, aló polos anos 70 nos estudios de La Voz de Vigo, da Red de Emisoras del Movemento. Seguiron logo Radio Popular ou os xornais El Pueblo Gallego, El País ou La Voz de Galicia. A súa foi voz para a reconversión naval, para o activismo cultural galeguista, para os feminismos, para os movementos sindicais… E foino tamén como pioneira da información en galego. Padeceu a dobre precariedade, como xornalista e muller, o que a levou a deixar os medios pola comunicación institucional en calidade de xefa de Relacións Públicas, Prensa e Protocolo do Concello de Vigo, unha historia que, á procura de estabilidade e conciliación, se repetiría tantas veces noutras comunicadoras.

Á política institucional chegou nos anos 80 como independente nas listas do PSdeG-PSOE á alcaldía de Vigo, coa encarga de botar a andar a primeira Concellería da Muller de Galicia e unha das primeiras de todo o Estado. Dende aí promoveu a creación do Centro de Información á Muller e da Casa de Acollida de Mulleres Maltratadas. Nos anos e décadas que seguiron foi deputada autonómica e estatal, delegada no exterior da Xunta de Galicia para A Arxentina e O Uruguai, valedora adxunta do Parlamento de Galicia, membro electo do Pleno do Consello da Cultura Galega ou directora do CDIF, o Centro de Documentación en Igualdade e Feminismos, que organiza esta xornada, entre outras moitas encomendas.

Nunha entrevista realizada en 2010, dicía que ao cabo de quince anos se vía escribindo todo o acumulado nos últimos trinta e cinco. Agora, en 2025, esta xornada e homenaxe á pioneira que é e foi ogallá sirva de borrador para a escritura da experiencia vivida e regalada como exemplo a outras mulleres ao longo de todo este tempo.
Programa
María Xosé Porteiro
Programa en PDF
Ligazóns
Prensa
30-10-2025

Profesionais de diferentes xeracións homenaxean a traxectoria e figura de María Xosé Porteiro

29-10-2025

María Xosé Porteiro, homenaxeada pola súa traxectoria

25-10-2025

Outubro pecha con homenaxes a Anna Turbau, Fernando Calvet e María Xose Porteiro

Ficha técnica 
Xornada
De pioneiras e andainas
María Xosé Porteiro: Activista das palabras
Cando
Xoves, 30 de outubro de 2025
Onde
Santiago de Compostela
Lugar

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202

Coordinación
Carme Adán Villamarín
Belén Puñal
Participante
Montse Fajardo Pérez
Ánxela Fernández Callís
Víctor Fernández Freixanes
Susana López Abella
Inma López Silva
Eliana Martíns Alvela
Ana Miranda
Claudia Morán Mato
María Prado Rúa
Belén Puñal
Dolores Vilavedra Fernández
Sonia Vizoso
Relator/a
Carme Adán Villamarín
Mariám Mariño Costales
Entrevistado/a
María Xosé Porteiro García
Homenaxeado/a
María Xosé Porteiro García
Organiza
Centro de Documentación en Igualdade e Feminismos (CCG)
Consello da Cultura Galega

Imaxe da portada: Fotografía de Augusto Rodríguez