Difusión - Lugo: Órgano Oficial del Centro Lucense de Buenos Aires. Xoves, 20 de novembro de 2025
Repertorio da prensa da emigración galega

Lugo: Órgano Oficial del Centro Lucense de Buenos Aires

  1. Inicio
  2. Repertorio da prensa da emigración galega
  3. Difusión

Repertorio da prensa da emigración galega

Lugo: Órgano Oficial del Centro Lucense de Buenos Aires

Xoves, 20 de novembro de 2025
Difusión
Repertorio da prensa da emigración galega

Lugo: Órgano Oficial del Centro Lucense de Buenos Aires

Lugo: Órgano Oficial del Centro Lucense de Buenos Aires

Repertorio da prensa da emigración galega
Accede ao contido

O Repertorio da prensa da emigración galega, proxecto que mantén o Arquivo da Emigración Galega (AEG) do Consello da Cultura Galega (CCG), incorpora este mes de novembro un novo lote de exemplares do xornal Lugo: Órgano oficial del Centro Lucense de Buenos Aires. Nesta ocasión súbense 210 números que se corresponden co período comprendido entre 1951 e 1968, cos que se completa a posta na rede dos números dispoñibles no AEG.
Esta nova entrega do xornal Lugo: Órgano Oficial del Centro Lucense de Buenos Aires engade á colección desta sociedade 210 exemplares, o que permite trazar a historia da entidade e da propia publicación. Complétase así a posta a disposición da cidadanía do fondo hemerográfico desta sociedade dispoñible no AEG. A publicación foi editada para informar das actividades sociais e culturais realizadas e doutros asuntos do seu interese: principalmente datos das comisións directivas, ingreso de socios, memorias sociais ou balances económicos. Tamén contén noticias da colectividade emigrada en xeral, da actualidade galega, nomeadamente lucense, xunto con artigos que abordan diversos temas xeográficos, históricos e culturais da provincia. A cabeceira tiña periodicidade mensual, está escrita maioritariamente en galego e contou con colaboradores como Varela Buxán, García Barros, Castelao, Antón Alonso Ríos, Daniel Cortezón, Francisco Fernández del Riego, Manuel María, Pura Vázquez Iglesias, Ramón Otero Pedrayo, Ramón Suárez Picallo ou Xesús Alonso Montero.

O Repertorio da prensa da emigración galega
En 1998, froito dun traballo de investigación dirixido por Vicente Peña Saavedra, nace o Repertorio da prensa da emigración galega, un proxecto que busca difundir o patrimonio documental producido pola comunidade galega do exterior e que, hoxe en día, mantén actualizado o Arquivo da Emigración Galega do Consello da Cultura Galega. Nel, recompílase unha relación das publicacións galegas (boletíns, xornais de información xeral, revistas culturais, prensa política, revistas e voceiros internos das asociacións de emigrantes, publicacións institucionais etc.) editadas tanto polas asociacións de emigrantes como por persoeiros destacados da colectividade galega. Aínda que os números das diferentes cabeceiras se poden consultar directamente nas instalacións do AEG, cada mes dixitalízanse novos exemplares que se poñen á disposición dos usuarios e usuarias para seren consultados en liña no web institucional do CCG. Nas últimas entregas, que se publican o terceiro xoves de cada mes, subíronse cinco números da segunda etapa do Consello de Galiza.
Prensa
20-11-2025

O Repertorio da prensa da emigración galega incorpora novos exemplares da cabeceira Lugo

 
Difusión
Repertorio da prensa da emigración galega
Lugo: Órgano Oficial del Centro Lucense de Buenos Aires
Data de publicación
Xoves, 20 de novembro de 2025
Autoría
Arquivo da Emigración Galega (CCG)
Arquivo da Emigración Galega (CCG)