Xornada - Terceiro diálogo: Enxeñaría Aeronáutica e do Espazo. 26 de marzo de 2026
Xornada

Terceiro diálogo: Enxeñaría Aeronáutica e do Espazo

  1. Inicio
  2. Eventos
  3. Diálogos interxeracionais en ciencia e tecnoloxía
  4. Xornada

Diálogos interxeracionais en ciencia e tecnoloxía Xornada

Terceiro diálogo: Enxeñaría Aeronáutica e do Espazo

Diálogos interxeracionais en ciencia e tecnoloxía

26 de marzo de 2026
Nigrán
Xornada
Diálogos interxeracionais en ciencia e tecnoloxía

Terceiro diálogo: Enxeñaría Aeronáutica e do Espazo

Diálogos interxeracionais en ciencia e tecnoloxía

26 de marzo de 2026 Nigrán
Logo dos encontros dedicados á Física e á Enxeñaría de Camiños, este novo diálogo centrarase na Enxeñaría Aeronáutica e do Espazo, coa participación de Isaura Clavero Paradiñeiro, primeira enxeñeira aeronáutica española, Yanina Hallak Fiorenza, cofundadora e directora executiva de UARX Space, e Claudia Álvarez Souto, exalumna da primeira promoción do Máster en Enxeñaría Aeronáutica e do Espazo da Universidade de Vigo.

No ano 2001, coa instalación da empresa de compoñentes aeronáuticos COASA no polígono industrial de San Cibrao das Viñas (Ourense), iniciouse en Galicia a actividade empresarial no ámbito da enxeñaría aeronáutica. Dende entón, producíronse unha serie de fitos clave, como foron a creación do Consorcio Aeronáutico Galego (2007), o lanzamento ao espazo do satélite Xatcobeo (2012), o establecemento do Polo Aeroespacial de Galicia (2014), a implantación da Escola de Enxeñaría Aeronáutica e do Espazo da Universidade de Vigo (2015) e a do Instituto de Física, Computación e Ciencia Aeroespacial (2023), que contribuíron decisivamente a situar a Galicia como un referente emerxente e innovador no ámbito da enxeñaría aeronáutica e aeroespacial a nivel estatal e europeo.

A colaboración entre universidade, centros de investigación, Administración pública e industria privada favoreceu nestes últimos anos o xurdimento de novas empresas, como por exemplo UARX Space, especializada no desenvolvemento de vehículos de transferencia orbital; Alén Space, centrada no deseño, fabricación e operación de pequenos satélites, ou Marine Instruments, que deseñou e construíu un dron que se está a empregar en tarefas de vixilancia. Estas empresas, localizadas no Porto do Molle (Nigrán), exemplifican a capacidade do sector aeroespacial galego para transformar o coñecemento científico e tecnolóxico en actividade empresarial de alto valor engadido.

Neste terceiro encontro abordaranse cuestións como a evolución dos estudos de Enxeñaría ao longo do tempo, o impacto da informática nos cálculos e procesos de deseño, a incorporación da muller aos estudos superiores e as perspectivas pasadas, presentes e futuras dos titulados e tituladas en Enxeñaría Aeronáutica e do Espazo. Trataranse tamén aspectos de carácter máis persoal, como os retos e as satisfaccións que marcan unha carreira técnica.

Consideramos que o alumnado de bacharelato de ciencias pode atopar un valor especial nesta actividade. Por este motivo, ademais de contar cun grupo de estudantes como público presencial —nesta ocasión, alumnado do IES Val Miñor de Nigrán—, gravarase e editarase un vídeo que poderá empregarse posteriormente como recurso didáctico.
Programa
Terceiro diálogo: Enxeñaría Aeronáutica e do Espazo
Programa en PDF
Prensa
25-03-2026

A enxeñaría aeronática e do espazo centran a terceira sesión dos "Diálogos interxeracionais"

Ficha técnica 
Xornada
Diálogos interxeracionais en ciencia e tecnoloxía
Terceiro diálogo: Enxeñaría Aeronáutica e do Espazo
Diálogos interxeracionais en ciencia e tecnoloxía
Cando
26 de marzo de 2026
Onde
Nigrán
Lugar

IES Val Miñor
Rúa Paradellas, 15
36350 Nigrán

Coordinación
Javier Méndez Zunzunegui
Relator/a
Claudia Álvarez Souto
Isaura Clavero Paradiñeiro
Yanina Hallak Fiorenza
Modera
Higinio González Jorge
Presenta
Rosario Álvarez
Susana Díaz González
Javier Méndez Zunzunegui
Elena Vázquez Cendón
Organiza
Consello da Cultura Galega
Sección de Ciencia, Tecnoloxía, Natureza e Sociedade (CCG)
Colabora
Escola de Enxeñaría Aeronáutica e do Espazo. Universidade de Vigo
IES Val Miñor
IES Val Miñor