Os Encontros Temáticos Transversais dende o Patrimonio Cultural (ETTPC) xorden como unha actividade centrada na reflexión e o debate que, ao longo do bienio 2025-2026, vai xirar arredor do territorio como obxecto de análise, como ben común no que se manifesta a nosa forma de habitar o mundo, no sentido heideggeriano, e de relacionarnos.
No uso máis contemporáneo do territorio recoñécense lóxicas que sacrificaron o medio, os lugares e as identidades paisaxísticas ás urxencias do crecemento económico, pois medio e identidade considéranse como aspectos marxinais dun espazo que ocupar, cunha actitude indiferente aos valores que o caracterizan. O territorio ten unha profundidade histórica latente na nosa identidade cultural, xa que é resultado de procesos coevolutivos de longa duración entre o asentamento humano e o medio e, por iso, forma parte da nosa existencia individual e colectiva. A identidade local que se recoñece nas peculiaridades e singularidades dos lugares é unha realidade dinámica que se debe proxectar no futuro, como un potencial, unha oportunidade, un proxecto, e para iso cómpre protexela no presente.
Encontros Temáticos Transversais dende o Patrimonio Cultural
O territorio. Os comúns ambientais, culturais e sociais do espazo litoral: novas ameazas
O territorio. Os comúns ambientais, culturais e sociais do espazo litoral: novas ameazas
17 e 18 de marzo de 2026Santiago de Compostela
O cuarto encontro temático transversal programado para o bienio 2025-2026, centrado no ámbito do territorio, está dedicado a analizar a situación do noso litoral. O territorio litoral de Galicia é comunmente destacado pola súa extensión, polas características xeomorfolóxicas das costas —de grandes diferenzas entre a parte cantábrica e a atlántica, que conta coa singularidade das súas rías—, pola riqueza dos seus ecosistemas mariños e costeiros e polas súas paisaxes. Tamén destaca a cultura marítima de Galicia, as actividades, os oficios e modos de vida relacionados co mar e o extenso e amplo patrimonio material e inmaterial que se xerou e transmitiu. Este recoñecemento non impediu, nin no pasado nin no presente, a presión sobre este territorio dos procesos de urbanización, das implantacións industriais, das infraestruturas ou do turismo.
Hoxe, en pleno proceso de cambio climático e baixo a preocupación que espertan os seus efectos sobre un dos medios naturais máis transformados do planeta pola actividade antrópica, moitas voces reclaman dedicar maiores esforzos á recuperación medioambiental do litoral e a recoñecer e valorizar a estrutura patrimonial do territorio, fuxindo da idea das paisaxes exclusivamente como representación e da dun patrimonio cultural reducido a recurso económico. Fuxindo de levar os procesos de homoxeneización tamén aos espazos litorais.
Unha visión do litoral apenas como espazo en que se concentran novas oportunidades, sexan estas para o turismo, a urbanización, a industria ou a produción enerxética, que as sitúe por riba dos valores ambientais, sociais e culturais dese territorio atendendo a criterios económicos, sen que exista un diálogo entre ambas as perspectivas, esquece a urxencia da recuperación do litoral e sitúase lonxe dunha visión ecosistémica integrada dese territorio.
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
O territorio. Os comúns ambientais, culturais e sociais do espazo litoral: novas ameazas
17 e 18 de marzo de 2026Santiago de Compostela
MARTES 17 DE MARZO
17:00 horas
Presentación
17:15 horas
Conferencia Os comúns ambientais, culturais e sociais do espazo litoral: novas ameazas Verónica Sánchez Carrera, doutora arquitecta urbanista, n’UNDO
18:15 horas
Debate
MÉRCORES 18 DE MARZO
17:00 horas
Mesa redonda Os comúns ambientais, culturais e sociais do espazo litoral: novas ameazas
Introdución e presentación: Teresa Nieto Freire, coordinadora da Sección de Patrimonio e Bens Culturais do CCG
- Carlos Amoedo Souto, catedrático de Dereito Administrativo, Universidade da Coruña
- Manuel Borobio Sanchiz, arquitecto urbanista, ABTEMAS
- Elisa Gallego Picard, doutora arquitecta
- Lucía Soliño Alonso, bióloga, presidenta de ADEGA Vigo
Modera: Teresa Nieto Freire
19:00 horas
Debate
20:00 horas
Peche da xornada
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
