Encontro - Escotadoiro I: Migracións e Dereitos Culturais. Comunicación e Cultura de Paz. 24 de marzo de 2026 - De 17:00 a 20:30 horas
Encontro

Escotadoiro I: Migracións e Dereitos Culturais. Comunicación e Cultura de Paz

  1. Inicio
  2. Eventos
  3. Escoitadoiro
  4. Encontro

Escoitadoiro Encontro

Escotadoiro I: Migracións e Dereitos Culturais. Comunicación e Cultura de Paz

24 de marzo de 2026 - De 17:00 a 20:30 horas
Friol
Encontro
Escoitadoiro

Escotadoiro I: Migracións e Dereitos Culturais. Comunicación e Cultura de Paz

24 de marzo de 2026 - De 17:00 a 20:30 horas Friol
Encontro de traballo, pechado ao público. Acceso só con convite para participantes.
O Consello da Cultura Galega (CCG) leva traballando intensamente sobre os dereitos culturais, que nos últimos tempos están a consolidarse como novo paradigma e folla de ruta para unhas políticas culturais públicas responsables. Despois de ter profundado neste novo marco conceptual e lexislativo, en 2025 fomos máis alá, emprendendo unha análise e un proceso de escoita con encontros participativos territoriais para estudar a situación real do acceso á cultura na nosa comunidade, iniciativa que concluíu nun informe final propositivo presentado o pasado mes de febreiro.

Este 2026 a Comisión Técnica de Xestión e Políticas Culturais do CCG quere continuar traballando nesta corrente, explorando formatos horizontais que incorporen dende a interseccionalidade novas voces e olladas, poñendo neste caso a cultura de paz no foco, para analizar como viven os seus dereitos culturais as comunidades migrantes que forman parte da nosa sociedade. Coa interculturalidade crítica como base conceptual (seguindo as premisas da pensadora decolonial Catherine Walsh), propoñemos analizar os dereitos culturais no noso territorio dende a escoita, interrogando as xerarquías de poder históricas, identificando barreiras e violencias estruturais, así como visibilizando os mecanismos de exclusión, subordinación e silenciamento que afectan especialmente as comunidades migrantes, racializadas e minorizadas, que impiden unha participación real na cultura dunha parte fundamental da nosa cidadanía.

Pola pertinencia de seguir traballando neste ámbito prioritario, ademais da urxencia actual de activar espazos de reflexión para a defensa da convivencia e dos dereitos humanos, o CCG bota a andar o Laboratorio de Dereitos Culturais e o Observatorio de Dereitos Culturais, dúas estruturas estratéxicas que conectan o rexistro e mapeado da realidade cultural galega, a reflexión crítica, a acción territorial e a produción de coñecemento aplicado, situando os dereitos culturais como un piar fundamental da convivencia intercultural e da cultura de paz. Neste novo marco, esta Comisión emprende o programa Migracións e Dereitos Culturais. Comunicación e Cultura de Paz, que realizará catro escoitadoiros nas catro provincias, como acción estratéxica que desenvolver neste 2026. Os escoitadoiros concíbense como dispositivos de escoita activa, diálogo horizontal e aprendizaxe mutua, nos que a comunicación e a cultura funcionan como ferramentas de construción de paz, cohesión social e democracia cultural. O CCG aposta, así, por construír espazos seguros para o encontro intercultural, nos que todas as voces teñen valor e capacidade real de incidencia, favorecendo a emerxencia de narrativas compartidas baseadas no respecto, na xustiza social e na igualdade de dereitos.
Programa
Escoitadoiro I: Migracións e Dereitos Culturais. Comunicación e Cultura de Paz
Programa en PDF
Prensa
23-03-2026

Comeza en Friol un programa que analizará as migracións e os dereitos culturais

Ficha técnica 
Encontro
Escoitadoiro
Escotadoiro I: Migracións e Dereitos Culturais. Comunicación e Cultura de Paz
Cando
24 de marzo de 2026 - De 17:00 a 20:30 horas
Onde
Friol
Lugar

Museo Etnográfico de San Paio de Narla
Torre de Xiá, Narla
27226, Friol

Coordinación
Paula Cabaleiro Comesaña
Encarna Lago González
Ruth Sousa Estévez
Relator/a
Carmen Amigorena Teijeiro
Cris Bamio
Romina Natalia Barrientos
Ana Bereciartúa Gasperini
Laura Burgué
Pedro Cantero
Stephanie Cubides Martínez
Ali Laha Díaz
Jessica Fernández
Vitor Fraga
Soila Jankowska
Ralf Jürgens
Kirenia Martínez Acosta
Luzia Oca González
Bernardo Penabade Rei
Carmen Porteiro
Simón Rodríguez Landaeta
Evelin Ruiz Crego
Waldir Sinisterra Restrepo
Alisa Smirnova
Hanoi Vidal García
Vadim Yukhnevich
Mediador/a
Leonardo Casado
Organiza
Comisión técnica xestión e políticas culturais
Consello da Cultura Galega
Colabora
Área de Cultura da Deputación Provincial de Lugo
Rede Museística Provincial de Lugo