Xornada - E agora que? O futuro da Memoria Democrática. 2 de outubro de 2026
Seíam eu... en San Simón

E agora que? O futuro da Memoria Democrática

  1. Inicio
  2. Seíam eu... en San Simón
  3. Xornada

Seíam eu... en San Simón

E agora que? O futuro da Memoria Democrática

2 de outubro de 2026
Redondela
Xornada
Seíam eu... en San Simón

E agora que? O futuro da Memoria Democrática

2 de outubro de 2026 Redondela
PRAZAS ESGOTADAS
Vivimos nun mundo en que o pensamento muda practicamente cada día. As opinións confúndense cos feitos. Unhas e outros constrúense e desaparecen sen dar tempo a pousalos nos límites da nosa capacidade humana. Neste contexto dun presente que case se podería considerar distópico non moitos anos atrás, a construción dun futuro democrático baseado nos alicerces dese pasado convértese nun referente fortemente criticado por determinados sectores. Aínda que é certo que o consenso respecto da necesidade de fortalecer estes piares arredor dun relato en clave democrática do pasado semella conseguido, especialmente nun amplo sector xuvenil nacido en democracia.

Precisamente esta xornada pretende o debate e o diálogo sobre un dos temas sobre os que poucas veces reflexionamos máis alá dos tópicos e que constitúe un dos máis importantes retos do presente. Nela tentaremos crear un espazo onde se reflexione sobre o que se fixo en canto á Memoria Democrática neste país. Queremos, en certo modo, ‘resetear’, poñer en cero este marcador para analizar criticamente o que se fixo, como ferramenta útil para construír un futuro de todos e todas. Tanto esforzo, tanta investigación e tanto tempo agardado para poñer en práctica a recuperación deste pasado deben ser hoxe en día narrados dun xeito distinto, por xeracións formadas de maneira tamén distinta, educadas en cronoloxías radicalmente diferentes de cando se construíron as bases do réxime político actual, daquela democracia do remate do século XX.

O programa contará coa participación de representantes políticos que se ocupan destes temas dende hai anos e especialistas na análise da investigación histórica realizada, para rematar cun debate final sobre os novos xeitos de achegarnos á sociedade en clave de futuro. Temáticas como a recuperacións das vítimas, os lugares de memoria, a docencia en memoria democrática ou as posibilidades das redes no camiño da concienciación ética e cívica estarán presentes nunha xornada de debate aberto e plural. Agardamos que os relatorios e as conversas sirvan para edificar e consolidar novos camiños ao redor do futuro da Memoria Democrática e das nosas bases da convivencia, claves para o noso futuro e o noso presente.
Programa
E agora que? O futuro da Memoria Democrática
Programa en PDF
Prensa
01-10-2026

Unha xornada reflexiona en San Simón sobre o futuro da Memoria Democrática

Ficha técnica 
Xornada
Seíam eu... en San Simón
E agora que? O futuro da Memoria Democrática
Cando
2 de outubro de 2026
Onde
Redondela
Lugar

Illa de San Simón
Redondela

Coordinación
Emilio Grandío Seoane
Relator/a
Paula Cadaveira López
Manuel Fernández Pita
Emilio Grandío Seoane
Zoraida Hijosa Valdizán
Nuria López Presedo
Anxo M. Lorenzo Suárez
Roxelio Guillerme Pérez Agulla
Claudia Varela Lourido
Organiza
Concello de Redondela
Consello da Cultura Galega

Imaxes da portada: Pazo de Meirás, Sada (fotografía: Teresa Navarro, CCG); O Vello Cárcere, Lugo; Monumento en homenaxe aos asasinados na fosa de Celanova (nomesevoces-Grupo HISTAGRA CISPAC. Fotografía: Uqui Permui. 2023); Illa de San Simón (fotografía: Bea Mosquera, CCG)