VENRES, 25 de setembro

18:30 horas
Presentación

18:45 horas
Crías
Xiana do Teixeiro
Galicia
2026
122’

Que é un diario íntimo?
Crías abre por primeira vez ducias de diarios que foran pechados para sempre e interpela a esa escritura propia da cultura de dormitorio: o que só podemos facer (ou dicir) cando ninguén nos mira, o que facemos para ninguén, para nós mesmas. No desdobramento de escribirse unha mesma xorde esoutra eu, perigosa, estraña, excitante, que ten prohibido saír ao mundo exterior. Pero, que sucedería se abrísemos eses diarios adolescentes xuntas?
A película leva a cabo un exercicio de rehabilitación literaria: rescata libros nunca lidos nin respectados, mapea o inframundo da contrabiografía adolescente feminina e atopa un corpo común nas escrituras do eu. Desde o cuestionamento de como funciona o arquivo, ensáiase unha posible xenealoxía da destrución da escritura das mulleres.
Crías é unha rachadura cinematográfica. Unha expedición feminista que transita do cursi ao político. E tamén, como dixo unha amiga, «un filme-zine feito con todos os nosos diarios».
Ao remate da proxección terá lugar un coloquio coa directora Xiana do Teixeiro.

SÁBADO, 26 de setembro

11:00 horas
Obradoiro
Xiana do Teixeiro (directora do filme Crías)
«Eu non escribín iso, pero encantaríame telo escrito»
Obradoiro sobre escritura íntima, actividade participativa arredor da investigación-filme Crías. O taller parte do visionado do filme Crías. Recoméndase asistir á sesión da proxección o día anterior, venres 25 de setembro. Teremos materiais no espazo para suplir o visionado ou revisar en grupo.
A través de exercicios de introspección e lectura compartidas, traballarase sobre escritura íntima propia e allea. Poñeremos o foco en descubrir o que pode haber de colectivo na escritura privada, o potencial político das prácticas e discursos íntimos, e a súa relación co xénero. O obradoiro servirá tamén para achegar o formato do diario ás persoas participantes e practicar competencias de lectura, escritura, discusión e escoita grupal, así como o exercicio de escritura colectiva dun breve texto que recollerá a experiencia do taller e conectará con outros espazos onde tamén se traballe con este filme-investigación.
Formato:
- Duración: 3 horas
- Capacidade: máximo 15 persoas
- Idade recomendada: a partir de 12 anos.

19:00 horas
Cienfuegos, 1913
Margarita Ledo Andión
Galicia
2008
15’
O sostemento da historia desde os corpos femininos, en concreto, a emigración galega a Cuba como consecuencia histórica da desigualdade na posesión da terra, dos foros e da pobreza estrutural.

Mulheres, Terra, Revolução
Rita Calvário e Cecília Honório
Portugal
2025
58’
Entre o campo e a revolução, este documentário dá voz às mulheres rurais que foram protagonistas silenciosas da mudança. Através de testemunhos de agricultoras, cooperativistas e jornalistas, revela-se uma história de resistência, luta pela emancipação e construção de poder popular, num tempo em que falar —e agir— era, para muitas mulheres, um acto revolucionário.

Ao finalizar as proxeccións manterase un coloquio con Bruno Tiago Jesus Madeira, da Universidade do Minho.

Nome *

Primeiro apelido+

Segundo apelido

Enderezo electrónico*

Número de teléfono

DNI*

Enderezo postal

Código postal

Localidade

Centro de traballo

Os campos marcados con * son obrigatorios

Lin é acepto o aviso legal e a política de privacidade do Consello da Cultura Galega para o tratamento de datos de carácter persoal.

Solicitar inscrición
Entrada de balde até completar a capacidade da sala.

Se desexa recibir información sobre novas actividades e eventos organizados polo Consello da Cultura Galega pode subscribirse no BOLETÍN DE NOVIDADES