Accesibilidade cultural en Galicia. Diagnóstico das prácticas, capacidades e necesidades do sector
Xoves, 1 de outubro de 2026 ás 11:00 horasSantiago de Compostela
O Consello da Cultura Galega presenta este xoves (1 de outubro, 11:00 horas na sede do Centro Galego de Desenvolvemento Integral -Cegadi-) o informe Accesibilidade cultural en Galicia. Diagnóstico das prácticas, capacidades e necesidades do sector. A presidenta, Dolores Vilavedra; o responsable do informe, Häkan Casares; e Ramón Sestayo, presidente do Comité de Entidades Representantes de Personas con Discapacidade de Galicia (CERMI Galicia), darán conta dos resultados que analizan a situación da accesibilidade no ámbito da cultura e o coñecemento da Lei de cultura inclusiva e accesible de Galicia.
Á presentación están convidadas as asociacións integradas no CERMI Galicia e outras entidades que traballan no ámbito da accesibilidade e da inclusión. Ao remate da presentación manterase un diálogo para coñecer as necesidades e características destes colectivos.
LUGAR CEGADI - Centro Galego de Desenvolvemento Integral
Rúa Xosé Chao Rego, s/n
15705 Santiago de Compostela
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
