Subtítulo:
Periódico semanal: Órgano de los intereses de su nombre
Periódico bisemanal: Órgano de los intereses de su nombre
Lema:
Todo por España y para Galicia
Data de inicio:
2/5/1888
Data de fin:
9/6/1889
Periodicidade:
Semanal, con algunhas irregularidades
Idioma:
Castelán, con algún texto literario en galego
Prezo:
3ª Época: Capital: 1 mes: 0, 60$ Provincia e interior, 1 trimestre: 2, 00$ Exterior, 1 trimestre: 1, 70$
Redacción:
Bos Aires. Arxentina
Imprenta:
Bos Aires. Arxentina.
Contido:
Terceira época desta publicación, fundada e dirixida por César Cisneros Luces.
En 1883, a segunda etapa de El Gallego tivo escaso percorrido, a penas durou uns meses.
César Cisneros, volve intentar este proxecto xornalístico o ano 1888 e consegue publicar un xornal con esta mesma cabeceira e co mesmo lema, no que pretende difundir os seus ideais de defensa da cultura galega no seo da sociedade arxentina, nun momento de crecente afluencia de emigrantes galegos neste país.
Segundo as súas palabras El Gallego reaparece «para desplegar la bandera del renacimiento galiciano, que es bandera de concordia y de paz para los elementos que creemos afines (…) lograr la rehabilitación merecida de nuestro bello y gran país». Faino nun momento no que a identidade galega está a ser menospreciada por parte da prensa arxentina e mesmo española, e aspira a dignificar a cultura e costumes galegos e a espallar o renacemento da literatura e da música galegas «renace EL GALLEGO para sostener, difundir y fomentar todas esas cosas (...) Tal queremos, al renacer, como gallegos, y como españoles que somos, la solidaridad de la gloria y la grandeza difundida en el adelanto de muchos pueblos».
Números consultados:
3ª Época
1888: n.º 1-22, 24, 26-30, 32
1889: n.º 33-64
Depósito dos fondos:
Consello da Cultura Galega. .
Fondos dispoñibles no Consello da Cultura Galega:
1888: n.º 1-22, 24, 25, 28-31
1889: n.º 33, 35-43
