Contido:
Don Gil de Alcalá é unha ópera cómica con música e libreto de Manuel Penella (1880-1939). Estréase en Barcelona en 1932. O argumento sitúase en Veracruz-Nova España e a súa protagonista é Niña Estrella, orfa mestiza namorada de Don Gil. Este papel interprétao Mary Isaura, a soprano galega. Nesta lousa recóllense as pezas «Pregaria-evocación» e «Intermedio». O disco está editado en 1932 pola Compañía do Gramófono.
