Contido:
Doña Francisquita é unha das zarzuelas máis exitosas de todos os tempos. Estréase en Madrid en 1923. O libreto é de Romero Sarachaga e Fernández-Shaw, que toman como base a comedia La discreta enamorada de Lope de Vega. Amadeo Vives compón a música e crea páxinas líricas que pasan á historia da música e onde Mary Isaura, á quen lle adica a obra, pode lucir o seu enorme talento. Neste disco, a soprano estradense canta «La tirana». O segundo tema, «El marabú», interprétano a mezzosoprano valenciana Cora Raga e o tenor granadino Antonio Palacios.
