Contido:
Inocencio Navarro e Miracle interpretan dúas escenas da ópera Maruxa: «Romanza de Rufo», do segundo acto, e «Final do acto 1º». Amadeo Vives (Barcelona, 1871-Madrid, 1932), compositor desta ópera, goza dunha enorme fama na súa vida. Esta obra, con libreto de Pascual Frutos, ten elementos folclóricos galegos e mesmo chega a empregar a lingua galega en dous números. Esta lousa está editada en Nova Jersey pola discográfica Victor en 1915.
