Contido:
Pascual Veiga (1842-1906), figura fundamental do Rexurdimento galego, compón «Alborada gallega», presentada en 1886 e unha das pezas galegas con maior valor identitario. Esta lousa, editada en 1911 pola compañía Gramophone en Barcelona, contén a interpretación do cantante lírico Samuel Crespo e transmite a enorme difusión que tivo esta composición xa dende aqueles momentos. Cabe subliñar que é unha lousa monofacial; isto é, só contén rexistro sonoro nunha cara.
