Contido:
A mestría coa gaita de Manuel Dopazo (1882-1952) escóitase nestas dúas pezas: «Alborada de Veiga» e «Rebeirano de Porriño». A súa actividade musical, no ámbito da emigración galega en Arxentina, abrangue non só a interpretación senón tamén a composición e mesmo a manufactura de gaitas. No país de acollida, crea a primeira banda de gaitas coñecida. Esta lousa está editada en Camden (Nova Jersey) en 1912.
