Contido:
«Para Vigo me voy» é unha célebre conga composta por Ernesto Lecuona (Cuba 1895-Tenerife 1963). O músico e compositor cubano, un dos máis destacados, adopta ritmos cubanos de orixe africana para crear un tema con apuntamentos sociolóxicos -a emigración- que ten un enorme éxito, mesmo nos nosos días. Aquí está interpretado en versión instrumental polo grupo liderado por Lorenzo Pego: Pego y sus Diplomáticos, creado en 1930. «Ansias de amor: bolero» é composición do mesmo Pego. O disco está editado en Camden, New Jersey, en 1936.
