Contido:
O célebre tango «Galleguita» (1924), convertido nun símbolo musical da emigración galega, con música de H. Pettorossi e letra de A. Navarrine, conta con numerosas interpetacións. A que aquí se ofrece é de Fortunio Bonanova, barítono mallorquino, que desenvolve unha intensa carreira por México e Estados Unidos, tamén como actor. Esta gravación de Nova York forma parte das moitas que fai por mor do contrato da Columbia Company para "impresionar" discos. Como curiosidade, Bonanova é Matisti, o profesor de canto de Ciudadano Kane (O. Welles, 1941).
