Contido:
A Orquesta Columbia, dirixida por Daniel Montorio, interpreta «A las tres de la mañana» e «La leyenda del beso»; esta última de Reveriano Soutullo e Juan Vert. Daniel Montorio, nado en Huesca en 1904 e falecido en Madrid en 1982, é un bo exemplo da importancia dos directores artísticos das casas discográficas nestes anos. Eles planifican as gravacións, controlan as formacións orquestrais, adaptan as partituras, dirixen as orquestras e elixen repertorios segundo criterios non só artísticos senón comerciais; en definitiva, condicionan o gusto musical da época. O disco está editado en 1928.
