Contido:
O coro Toxos e Froles nace en Ferrol en 1914 coa intención de reivindicar a música tradicional galega. Esta lousa de 1919 ofrece dous temas: «Alaláa de Betanzos», coa interpretación solista do tenor José Area Carregado, membro fundador do coro, e «Guernikako arbola», himno non oficial vasco composto en 1853 por José Mª Iparraguirre, e aquí executado por José Luis de La Rica. Este disco está datado en 1919 e evidencia as estreitas relacións e intereses que hai entre as culturas galega e vasca.
