Contido:
En 1883, Perfecto Feijoo funda o coro Aires d,a Terra en Pontevedra. Esta formación supón un revulsivo na reivindicación da cultura galega rural: o repertorio está formado por música tradicional, hai unha revalorización do noso idioma e os membros do coro visten os traxes tradicionais galegos. Estes aspectos xunto coa súa calidade artística converten a Aires d,a Terra na trabe da música coral. Esta lousa, editada en 1904, é unha das máis antigas que se conservan.
