Contido:
Esta lousa, editada en 1927 pola discográfica Victor en Nova York, rexistra dúas pezas da zarzuela La del Soto del Parral, composta polo músico ponteareán Reveriano Soutullo (1884-1932). O libreto é de Juan Vert. Esta parella artística compón as zarzuelas de máis éxito das primeiras décadas do XX. «Duetto cómico» está interpretado por Vicente Gómez Bur e Carmen Máiquez. «La consulta», o segundo tema, está gravado na voz de Eugenio Casals.