Contido:
Os irmáns porteños René e Óscar Varela comezan a tocar acompañando a seu pai, o inmigrante e gaiteiro galego Antonio Varela, nas festas da colectividade no Centro Lucense. Nos anos 40 forman a Orquesta Varela Varelita, unha das máis solicitadas ata os anos 70. Nestas gravacións participa o trompetista José Rondinelli, músico moi destacado. Aquí interprétase «El gitano señorón» e «Mambo gallego». O disco está editado en Bos Aires por RCA Victor en 1955.
