Contido:
Maruxa, a ópera de Amadeo Vives e Luis Pascual, ten un enorme éxito dende a súa estrea en 1914. Interpretada polas voces líricas do momento, esta lousa recolle a gravación orquestral de dúas escenas do acto II: «Preludio» e «Baile e coro». As compañías discográficas da época dispoñen de orquestras propias que gravan os éxitos musicais para atender a demanda comercial. Neste caso, en 1930, a Orquestra Sinfónica do Gramófono edita en Barcelona este disco.
