MONOGRAFíAS TEMÁTICAS

As letras das mulleres

  1. Inicio
  2. Monografías temáticas
  3. CDIF
  4. As letras das mulleres
As letras das mulleres

As letras das mulleres

A incorporación das escritoras ás institucións literarias suscita múltiples tensións sobre a lexitimidade, a paridade, o recoñecemento e as prácticas diverxentes. Estes debates sobre as estruturas culturais repercuten tamén na esfera social e provocan reaccións e campañas, particularmente no activismo feminista. Máis concretamente, esta monografía mostra reflexións e documentos sobre a participación das creadoras e intelectuais na celebración do Día das Letras Galegas e na Real Academia Galega.



As achegas das expertas aportan argumentos para actualizar o debate. Ana Romaní e Ánxela Lema ofrecen unha mirada crítica sobre as incomodidades que xorden arredor das autoras homenaxeadas nas Letras Galegas mentres que Susana Aríns aborda unha iniciativa feminista popular para o recoñecemento de autoras das letras galegas vivas. Co foco posto na Real Academia Galega, as contribucións de Iolanda Veloso, Dolores Vilavedra e María Reimóndez fan memoria de dúas campañas realizadas entre 2010 e 2011 para instar á elección de máis mulleres como académicas de número. E a política de lavado lila (purplewashing) da RAG no ano da súa fundación, en 1906, ocupa a achega histórica de Helena González.

A documentación histórica recollida no apartado “escritas no tempo”, recupera iniciativas de diverso signo que reivindican unha maior presenza de mulleres nas institucións literarias: a proposta de candidatura de María Xosé Queizán feita polo Consello Municipal da Muller de Vigo en 2010; o manifesto “O xogo das cadeiras” e as reaccións que provocou en 2011; os manifestos da celebración anual “Nosa Señora das Letras” d’A Sega desde 2014; a campaña “Dez mulleres para as Letras Galegas 2018”; e mais o “Manifesto de Soutomaior” publicado en 2021.

Ofrécense tres galerías gráficas: Académicas desde 1906, homenaxeadas no día das Galegas nas Letras d'A Sega e mais no Día das Letras Galegas da RAG. Singularizan cada unha das autoras e intelectuais elixidas á vez que ofrecen unha liña do tempo do recoñecemento institucional que pon en evidencia as carencias e interrupcións.

Achegas expertas

Coleccións

Académicas desde 1906

Homenaxeadas no Día das Galegas nas Letras

Homenaxeadas no Día das Letras Galegas

Coleccións

Escritas no tempo

Ligazóns

Créditos de As letras das mulleres
UN PROXECTO DE:
Centro de Documentación en Igualdade e Feminismos (CDIF). Consello da Cultura Galega.

COORDINACIÓN:
Helena González (2025)
Ana Romaní (2006, 2013)

DOCUMENTACIÓN E EDICIÓN:
Mariám Mariño Costales
Cristina Mouriño

TRATAMENTO DIXITAL DE IMAXES E SON
Teresa Navarro Quinteiro

COLABORACIÓNS
Ánxela Lema París
María Reimóndez
Ana Romaní Blanco
Susana Sánchez Aríns
Dolores Vilavedra
Iolanda Veloso
Real Academia Galega (RAG)

IMAXE DE PORTADA
Textos de pracer e goce, de Almudena Fernández Fariña

Videos


Proposta de María Xosé Queizán como académica da RAG do Consello Municipal das Mulleres do Concello de Vigo en 2011. Fragmento da intervención de Iolanda Veloso en Recuperemos as mans. Homenaxe a María Xosé Queizán. Presentación organizada polo CCG no MARCO de Vigo o 14 de marzo de 2025