A Universidade do Miño acolle o XIV Congreso da Asociación Internacional de Estudos Galegos
11/4/2024
A Universidade do Minho acollerá entre os días 17 a 20 de abril de 2024 o XIV Congreso da Asociación Internacional de Estudos Galegos, que reunirá académicos/as do campo das Ciencias Sociais e as Humanidades para reflexionar sobre “os horizontes dos Estudos Galegos e/na Lusofonía”.
O Consello da Cultura Galega colabora neste congreso organizando a exposición “Afonso X e Galicia” e mais a sesión de relatorios “A interpretación do repertorio lírico medieval hoxe: enxeñería e investigación”, que coordina Rebeca Blanco-Rotea.
