Xornada de debate no CCG sobre a divulgación da ciencia en galego
12/4/2024
A Sección de Ciencia, Tecnoloxía, Natureza e Sociedade do Consello da Cultura Galega organiza unha xornada de debate sobre a divulgación da ciencia en galego nos novos espazos, onde se tratarán cuestións como a relación entre a divulgación científica tradicional e a divulgación nos novos espazos, a existencia de comunidades virtuais de divulgación en galego ou os factores que inflúen nos creadores/as de contido á hora de escoller a lingua.
As sesións terán lugar o vindeiro 7 de maio de 2024 na sede do CCG (Pazo de Raxoi). A matrícula é gratuíta e as prazas cubriranse por rigorosa orde de inscrición.
