A presidenta do Consello da Cultura Galega, Rosario Álvarez, subliñou a vontade da institución de acompañar e visibilizar o ámbito científico e académico, xa que “reforza todo o ecosistema cultural e forma parte das responsabilidades que o CCG atende”.

O acto rematou cunha visita ás instalacións do CISPAC na que as asistentes puideron coñecer os proxectos en marcha e o funcionamento do centro. O Consello de Transferencia nace con 7 entidades pero a vontade é consolidar un órgano estable con representación de 15 institucións.